ट्रम्प सल्लाहकार केल्एन कन्वेले सिएनएन रिपोर्टर जिम अकोस्टालाइ स्मार्टयास भनेपछि…

गत मंगलवार, अमेरिकी राष्ट्रपति ट्रम्पले देशका नाममा सम्बोधन गर्नु ठिक अगि, पत्रकारहरूका माझमा सिएनएन रिपोर्टर जिम अकोस्टाले ट्रम्पले के साँचो वक्तव्य देलान् त भनी राष्ट्रपतिका सल्लाहकार केलएन कन्वेलाइ प्रश्न गरेपछि, निकै रोचक र तातो बहस नै चल्यो । करिब सवा मिनेट चलेको उक्त बहसमा अकोस्टाको बाजा नै बजेको भनी टिप्पणी अाएका छन् ।

https://www.youtube.com/watch?v=wbGN-7eDZUc

अकोस्टाः के अाज रातको सम्बोधनमा राष्ट्रपतिले सत्य कुरा बोल्नुहुनेछ भन्न सक्नुहुन्छ ? के उहाँले सत्य कुरा बोल्नुहोला ?

कन्वेः अवश्य, जिम, अनि तपाइँले पनि सत्य रिपोर्ट गर्नुहुनेछ त ?

अकोस्टाः अवश्य गर्नेछु ।

कन्वेः सम्पूर्ण सत्य, अनि सत्यमात्रै, परमेश्वरको नाममा । मलाइ तपाइँसँग परमेश्वरको नाम उल्लेख गर्न अनुमति छ कि ?

अकोस्टाः मसँग तिम्रो जस्तो वैकल्पिक तथ्यको समस्या छैन ।

कन्वेः अहँ, होइन जिम । तिमीले सस्तो टिप्पणी गर्याै, अब यो भाइरल बनोस्, र तिमी यो भाइरल बनेको चाहन्छाै । अँ, यसैकारण त तिमीलाइ समय दिने थोरै व्यक्तिहरूमध्ये एकजना म हुँ । तिम्रो सामु नै भनिदिउँ, किनकि तिमी अाफूलाइ निकै चलाख सम्झन्छाै, यहाँ भएका धेरै मानिसहरू (पत्रकारहरू) तिमीलाइ मन पराउँदैनन् ।

यसरी कटुतापूर्ण भावमा अगि बढेको सवा मिनेटको खरो जबाफमा, कन्वेले अकोस्टालाइ यसरी चित खुवाइन् कि, अरू उपस्थित रोपोर्टरहरू हक्क न बक्क भइरहे । तर समग्रमा अाफूले मिडियाको कदर गर्नेगरेको भन्दै कन्वेले अकोस्टालाइ अाफ्नो बोलीको अनर्थ र गलत रिपोर्टिङ गरेको स्पष्ट पार्दै, २०१८ मा मात्रै अाफू अकस्टको टिभी च्यानल सिएनएनमा २५, २६ पटक गएको, तर उनले अाफूलाइ व्यक्तिगत रूपमा अभद्रता देखाएको भन्दै, अहिले म्याम भन्दै ढाकछोप वा पुरताल नगर्न सल्लाह दिएकी थिइन् ।

साथै, राष्ट्रपतिले बोल्ने कुरालाइ बिचमा काँटछाँट गरी अनर्थ लगाउनेहरू पनि भएक्ाले, मिडियाकर्मीहरूले सचेत रही सत्यतथ्य रिपोर्ट गर्नुपर्ने पनि बताउन भ्याएको कन्वेको वाकपटुता र अाफ्नो बिग्रेको छबीका कारण सिएनएनका रिपोर्टर जिम अकोस्टाको मुहार हेर्न लायक बनेको थियो ।

ट्रम्पको कार्यलाइ लिएर दिनहुँ पण्डित्याइँ छाँट्ने मूलधारका मिडियाहरूप्रतिको अाकर्षण र विश्वासनीयता क्रमश अझै घट्दै गएको सर्वेक्षणहरूले देखाइरहँदा, फक्स न्याुज च्यनल भने बिबिसीपछिो दोस्रो अत्याधिक विश्वासनीय समाचार प्रदायकका रूपमा अगाडि अाएको छ जहाँ ट्रम्पको असल कुराको बढी चर्चा हुने गर्दछ ।

यस बहसबाट, अब रिपोर्टर र मिडियाकर्मी र पत्रकारहरूले अमूक दल वा वादको पन्डित्याइँ छाँट्न छोडेर अाफ्नो पेशेवार धर्म पालन गर्नमा बढी सतर्क रहनुपर्ने पनि देखाएको छ ।

तपाईंको प्रतिकृया