टिच नेपालले निकालेको भ्याकेन्सीका सन्दर्भमा छाएको अन्योल र हाम्रो मानसिकता

In पत्रपत्रिका, विचार, विविध, शिक्षा, समाचार
December 18, 2018
Bidur Adhikari

टिच नेपालले भ्याकेन्सी निकाल्दा उम्मेदवारका योग्यतामा, अन्य कुरामा साथै इसाइ व्यक्ति हुनुपर्ने भन्ने शर्त राखेको बारेमा हल्का र नकारात्मक टिकाटिप्पणीका बारेमा केही टिप्पणी गर्न बाध्य भएको महसुस गरेँ । म अाफैँ पनि स्कुल र कलेज गरी १४, १५ वर्ष अध्यापन गराएको अनुभव रहेकाले यो मेरो पनि चासो को विषय रह्यो ।

समग्रमा, यस विषयमा त्यति सारो गिरेर, अनि शान्ति नै गुमाएर प्रतिकृया दिनुपर्ने जस्तो लाग्दैन । टिच नेपाल शिक्षक तालिम दिने संस्था रहेछ जो एक निश्चित मूल्यमान्यता र विश्वदृष्टि लिएका व्यक्तिहरूको प्रयासमा चलेको छ भन्ने बुझिन्छ । अब तालिम दिएर तालिमदात उत्पादन वा निर्माण गर्नुपर्नेभएकाले मन र सोच मिल्ने, व्यक्तित्व मिल्ने सबै गुण योग्यता मिल्ने भएमा काममा सहज र फलदायी हुन्छ भन्ने त हामीलाइ थाहै हुनुपर्ने हो । के वेदविद्याश्रम र गुरूकूलमा शिक्षक र तालिम िलने शिक्षक उम्मेदवार खोजिँदा संस्कृत जान्दैनजान्ने, वा मदरसामा शिक्षक खोजिँदा कुरअान र अरेबिक नजान्ने उम्मेदवारको कुनै गुञ्जाय हुन्छ र ? परिभाषा अनुसार नै ती क्षेत्रमा काम गर्ने शिक्षक तालिमदाता संस्कृत (अम रूपमा वैदिक, वा हिन्दू मत) र अरेबिक (अम रूपमा इश्लाम मत) मान्ने र जान्ने हुनुपर्दैन र ? त्यसको मतलव वेदविद्याश्रम, गुरूकुल र मदरसाले क्रमशः हिन्दू र इस्लाम मत प्रचार प्रसारका लागि काम गर्दैछन् भनी मुदा उठाउन सकिन्छ ? वा उठाएको कल्पना गर्नुहुन्छ ? इमानदार भएर विचार गराैँ न ।

http://nepalchurch.com/16250/टिच-नेपाल

तपाईंको प्रतिकृया