विभिन्न दुर्लभ जनावरहरूको अङ्ग सहित पक्राउ

ललितपुर, १० बैशाख
महानगरीय प्रहरी प्रभाग बलम्बुले विभिन्न दुर्लभ जनावरका अङ्गहरू सहित एक जनालाई पक्राउ गरेको छ ।

विशेष सुचनाको आधारमा प्रहरीले ललितपुर, गोदावारी नगरपालिका ८, चाम्साबाट रेड पाण्डाको छाला ३ थान, सालकको खपेटा सहितको छाला १ थान, स्यालको छाला १ थान, मृगको सिङ सहितको टाउको १ थान, मृगको छाला १ थान, बाघको छाला टुक्रा १ थान सहित गोदावारी नगरपालिका ८, चाम्सा बस्ने सानु नकर्मीलाई पक्राउ गरेको छ ।

यस सम्बन्धमा प्रहरीबाट थप अनुसन्धान भइरहेको छ ।