सोमबार, ०२ कात्तिक २०८३

काठमाडौँ : आइतबार साँझ बलिउड अभिनेता टाइगर श्राफ सवार कारमा गोली प्रहार गोली प्रहार भएको। घटना मुम्बईको जुहू क्षेत्रमा उनि फुटबल खेलेर आफ्नो कारमा फर्किरहेका बेला भएको थियो।

घटनाको जिम्मा अमेरिकी भूमिमा बसेका बिश्नोई गिरोहका ग्याङ्स्टर अनिल पण्डितले लिएका छन्। घटनापछि सुरक्षा निकायले प्राप्त गरेको अडियो क्लिपमा पण्डितले जिम्मेवारी स्वीकार गरेका छन्। एक स्रोतका अनुसार हरियाणाको पनिपतका पण्डित सन् २०२४ मा डंकी रुटमार्फत अमेरिका पुगेका थिए र बिश्नोई गिरोहका लागि काम गर्न थालेका थिए।

अडियो क्लिपमा पण्डितले भनेका छन्, ‘मैले र मेरा दाजु हरमन सन्धुले टाइगर श्राफको कारमा भएको गोली प्रहारको जिम्मा लिएका छौँ। हामीले उस्लाई सम्झायौँ तर उस्ले बुझेन। पूरै फिल्म इन्डस्ट्रीमा जो कोही हामीबाहेक र सलमान खानसँग काम गर्छ, हामी उसलाई मार्नेछौँ। यो पहिलो र अन्तिम चेतावनी हो।’

लरेन्स बिश्नोई गिरोहले सलमान खानलाई निशाना बनाउनुको मुख्य कारण सन् १९९८ को कालो हरिणको शिकार काण्ड सँग जोडिएको छ। बिश्नोई समुदायले कालो हरिणलाई अत्यन्तै पवित्र मान्छन् र यसको पूजा गर्छन्। सलमान खानले उक्त हरिणको शिकार गरेर आफ्नो समुदायको धार्मिक र वातावरणीय भावनामा चोट पुर्‍याएको लरेन्स बिश्नोईको आरोप छ। उसले सलमान खानसँग सार्वजनिक रूपमा माफीको माग गर्दै लामो समयदेखि ज्यान मार्ने धम्की दिँदै आएको छ।

जहाँसम्म टाइगर श्राफमाथि भएको आक्रमण को कुरा छ, हिजो १८ अक्टोबरमा मुम्बईको जुहु क्षेत्रमा टाइगर श्राफको कारमाथि गोली प्रहार भएको थियो, जसमा उनका चालक र अर्का एक व्यक्ति घाइते भएका छन्। यस आक्रमणको जिम्मेवारी बिश्नोई गिरोहसँग जोडिएका अनिल पण्डित नामक व्यक्तिले एक अडियो सन्देशमार्फत लिएका छन्। यो आक्रमण सलमान खानलाई घेर्न र बलिउड क्षेत्रमा डर पैदा गर्नका लागि गरिएको बताइएको छ।