भुजुङ्ग हाइड्रोपावर लिमिटेडको पाँचौ वार्षिक साधारण सभा सम्पन्न

असोज २२, २०८३ बिहीबार

काठमाडौँ, असोज २२ — भुजुङ्ग हाइड्रोपावर लिमिटेडको पाँचौ वार्षिक साधारण सभा बिहीबार काठमाडौँको नक्सालस्थित आम्रपाली ब्याङ्केटमा भव्य रूपमा सम्पन्न भएको छ। कम्पनी सञ्चालक समितिको गत भाद्र ३० गते बसेको बैठकको निर्णयअनुसार बिहान ११ बजे सुरु भएको उक्त सभा कम्पनीका अध्यक्ष माधवराज आचार्यको सभापतित्वमा सम्पन्न भएको हो।

कार्यक्रमको सुरुवात गर्दै प्रबन्ध सञ्चालक डा. हिमाल भट्टराईले स्वागत मन्तव्य व्यक्त गर्नुभएको थियो भने कार्यक्रमको सञ्चालन हरिकृष्ण दाहालले गर्नुभएको थियो। सभामा उपस्थित शेयरधनीहरूले कम्पनीको वित्तीय अवस्था तथा आगामी दिशाका सम्बन्धमा राखेका जिज्ञासा र प्रश्नहरूको समाधान कम्पनीका वित्तीय परामर्शदाता एवं चार्टर्ड एकाउन्टेन्ट नारायण प्रसाद पौडेलले गर्नुभएको थियो।

उक्त साधारण सभाले गत आर्थिक वर्ष २०८१/८२ को वार्षिक प्रतिवेदनका साथै सम्पूर्ण वित्तीय विवरणहरू सर्वसम्मत रूपमा पारित गरेको छ। यसका साथै सभाले चालू आर्थिक वर्षका लागि लेखापरीक्षकको नियुक्ति र निजको पारिश्रमिक निर्धारणसम्बन्धी प्रस्तावलाई समेत टुङ्ग्याएको छ। साधारण सभा प्रयोजनका लागि कम्पनीले असोज १३ गते एक दिनका लागि बुक क्लोज गरेको हुनाले असोज १२ गतेसम्म कायम रहेका शेयरधनीहरूले मात्र सभामा भाग लिन र लाभांश प्राप्त गर्न योग्य मानिनेछन्।

लमजुङ्ग जिल्लामा ७.५ मेगावाट क्षमताको माथिल्लो फिदिम जलविद्युत आयोजना सम्पन्न गरी २०८१ वैशाख ६ गतेदेखि व्यावसायिक उत्पादन गर्दै आएको भुजुङ्ग हाइड्रोपावरको हाल कुल शेयर पूँजी रु. १ अर्ब रहेको छ। गत आर्थिक वर्षमा कम्पनीले विद्युत बिक्रीबाट मात्रै करिब रु. २ अर्ब आम्दानी गर्न सफल भएको जनाएको छ। कार्यक्रममा साधारण सेयरधनीका तर्फबाट मन्तव्य राख्दै वक्ताले कम्पनीबाट छिट्टै लाभांश प्राप्त हुने आशा व्यक्त गर्नुभयो। साथै, नयाँ व्यवस्थापनले अपनाएको खर्च कटौती रणनीति र बैंक ब्याज व्यवस्थापनप्रति उहाँले सन्तुष्टि जनाउनुभयो ।

यसैबीच, कम्पनीले आफ्नो पूँजी संरचना थप सुदृढ बनाउन सर्वसधारणका लागि २०८२ साल माघ १२ गतेदेखि माघ १५ गतेसम्म कुमारी क्यापिटल लिमिटेड लाई बिक्री प्रबन्धकको रुपमा चयन गरि साधारण शेयर (आईपीओ) निष्कासन गरेको थियो । हाल नेपाल को दोश्रो बजारमा भुजुङ्ग हाइड्रोपावर लिमिटेडको शेयरहरु निरन्तर रुपमा कारोबार भैरहेको छ र लगानीकर्ताले यसबाट राम्रो प्रतिफल पाउने बिश्वास गरिएको छ।

तपाईंको प्रतिकृया

𝚆𝚎 𝚛𝚎𝚙𝚘𝚛𝚝 𝚝𝚘 𝚢𝚘𝚞

अन्य खबर

ह्वीलिङ चार्ज सहित निजी क्षेत्रलाई राष्ट्रिय प्रसारण लाइन प्रयोग गर्न खुला

होसियार ! कतै तपाईको पनि अकाउंट ह्याक होला नी -' नेपाली गर्ल ' नामको एपबाट साबधान

होर्डिङ बोर्ड, सामाजिक संजाल र अन्य सञ्चारमाध्यमबाट मदिराका विज्ञापन तत्काल हटाउन निर्देशन

होन्डुरसको महिला कारागारमा ग्यांग वार हुँदा ४१ कैदीको मृत्यु

होटल भदगाउँलाई दक्षिण एशियाली पर्यटन पुरस्कार (SATA) २०२५ मा ‘लीडिङ बुटिक होटल/रिसोर्ट’ श्रेणी

हेलाे सरकारमा बारम्बार साेधिने प्रश्नहरू

ताजा खबर

भुजुङ्ग हाइड्रोपावर लिमिटेडको पाँचौ वार्षिक साधारण सभा सम्पन्न

सुस्ताएको बजारमा सामान्य सुधार: २५७४ विन्दुमा पुग्यो नेप्से, कुथेली बुखारी हाइड्रोमा सर्किट

भारतीय दिग्गज अभिनेता नाना पाटेकर निधन

२५ अर्बभन्दा बढी कर्जा प्रवाह हुँदासमेत सेयर बजार सुस्त: अपेक्षाअनुसार अघि बढ्न सकेन मार्जिन ट्रेडिङ

प्रशिक्षकले सहमति तोडेपछि राष्ट्रिय टोलीको क्याम्प छाडेको रोनाल्डोको खुलासा

गृहमन्त्री गुरुङ अर्को साता भारत जाने, बिम्स्टेक बैठकमा सहभागी हुने

नेप्सेमा दोहोरो अङ्कको सुधार: परिसूचक २५७८ विन्दुमा उक्लिँदा कारोबार रकम भने घट्यो

नेपाली कांग्रेसको १५औँ महाधिवेशन : वरिष्ठ उपसभापतिमा विश्वप्रकाश शर्मा र निर्विरोध निर्वाचित