शुक्रबार, ५ भदौ , २०८३

अमेरिकाले इरानविरुद्ध ‘अधिकतम आर्थिक दबाब’ सिर्जना गर्ने रणनीतिअन्तर्गत ‘इतिहासकै कडा प्रतिबन्ध’ लगाउने तयारी गरेको छ। अमेरिकी अर्थमन्त्री स्कट बेसेन्टका अनुसार प्रतिबन्धको विस्तृत विवरण आउँदो सोमबार सार्वजनिक गरिनेछ, जसले इरानविरुद्ध पुनः ठूलो स्तरको सैन्य कारबाही गर्नुपर्ने आवश्यकतालाई कम गर्नेछ।

अमेरिकी राष्ट्रपति डोनाल्ड ट्रम्पले इरानलाई कुनै पनि प्रकारको आर्थिक ‘जीवनरेखा’ वा सहायता उपलब्ध गराउने देशहरूले गम्भीर र विनाशकारी परिणाम भोग्नुपर्ने चेतावनी दिएका छन्। यसैबीच, अमेरिकी घोषणाले विश्वव्यापी तेल बजारमा अदृश्य कम्पन पैदा गरेको छ भने होर्मुज जलडमरूमध्यमा आपूर्ति ठप्प हुन सक्ने भयले अन्तर्राष्ट्रिय बजारमा कच्चा तेलको मूल्य तीन सातायताकै उच्च विन्दुमा पुगेको छ।

यसैबीच, अमेरिकी घोषणाले विश्वव्यापी तेल बजारमा अदृश्य कम्पन पैदा गरेको छ भने होर्मुज जलडमरूमध्यमा आपूर्ति ठप्प हुन सक्ने भयले अन्तर्राष्ट्रिय बजारमा कच्चा तेलको मूल्य तीन सातायताकै उच्च विन्दुमा पुगेको छ।

उता, इरानी विदेश मन्त्रालयले अमेरिकी कदमको कडा भर्त्सना गर्दै यसलाई ‘आर्थिक आतंकवाद’को संज्ञा दिएको छ। अमेरिकी प्रतिबन्धले इरानको स्वतन्त्रता, सार्वभौमसत्ता र राष्ट्रिय गरिमा रक्षा गर्ने अभिचलित संकल्पमा कुनै आँच नपुर्याउने इरानले स्पष्ट पारेको छ। अर्कोतर्फ, इरानी तेलको ८० प्रतिशतभन्दा बढी खरिदकर्ता चीनलाई समेत लक्षित गर्ने अमेरिकी संकेतपछि चिनियाँ दूतावासले एकतर्फी दबाबले समस्या समाधान नहुने भन्दै कूटनीतिक बाटो समात्न आग्रह गरेको छ। अप्रिल र जुन महिनामा भएका दुवै युद्धविराम प्रयासहरू तुहिएपछि अमेरिकाले इरानको वर्तमान शासन नै ढल्ने दाबी गर्दै विश्वका अन्य मुलुकहरूलाई आफ्नो पक्ष रोज्न अन्तिम चुनौती दिएको छ।