शनिबार, ०५ माघ २०८१,

काठमाडौं । अमेरिकी सुप्रिम कोर्टले टिकटकमाथि प्रतिबन्धको कानूनलाई यथावत राख्ने आदेश दिएसँगै यदी अमेरिकी सरकारको प्रस्ताब टिक-टकले नमाने आइतबार देखि अमेरिकामा टिक-टक बन्द हुने भएको छ।

अमेरिकामा १७० मिलियन भन्दा बढी उपयोगकर्ता रहेको टिकटकको मूल चिनिया कम्पनी बाइटडान्सले उक्त प्लेटफर्म अमेरिकालाई नबेचे अमेरिकामा प्रतिबन्धको सामना गर्नु पर्ने भएको हो ।

‘टिकटकमार्फत अमेरिकी प्रयोगकर्ताहरूको विशाल व्यक्तिगत तथ्यांकमा चिनियाँ सरकारको पहुँच हुनसक्ने सम्भावनाले गम्भीर राष्ट्रिय सुरक्षा जोखिमको संकेत गर्छ,’ फैसलामा भनिएको छ, ‘यो पक्ष यस एपका प्रयोगकर्ताहरूको अभिव्यक्ति स्वतन्त्रता सिमित हुने वा नहुने भन्दा महत्वपूर्ण विषय हो ।’ टिकटकको अमेरिकी सञ्चालन बिक्री अनिवार्य गर्ने कानुन राष्ट्रिय सुरक्षा हित संरक्षण गर्न आवश्यक रहेको अदालतको ठहर छ ।

तर ट्रम्पले टिकटकका प्रमुख कार्यकारी अधिकृत साउ चाउलाई आफ्नो शपथ ग्रहण समारोहमा निम्तासमेत दिइसकेका छन् । चाउले उक्त समारोहमा आफ्ना कुरा अवस्य राख्ने छन् र केहि सकारात्मक समाधानको आशा राखिएको छ।