भारतलाई उसैको मैदानमा हराउँदै अष्ट्रेलियालाई विश्वकप २०२३ को उपाधि

In Headlines, खेल
November 20, 2023
Sushil Paudyal

सोमबार, मंसिर ४, २०८०

काठमाडौँ ।। हिँजो भारतको नरेन्द्र मोदि स्टेडियम अहमदाबादमा भएको आइसिसी विश्वकप २०२३ को फाइनल खेलमा अष्ट्रेलियाले भारतलाई ६ विकेटले हराउँदै उपाधि जितेकोछ । जितको लागि ओपनर ट्रविस हेडको सानदार शतकको योगदान रह्यो ।

जितको लागि २ सय ४१ रनको सामान्य लक्ष्य पछ्याएको अष्ट्रेलियाले ४३ ओभरमा ४ विकेट गुमाउँदै पूरा गर्यो ।अष्ट्रेलियालाई जिताउन ओपनर ट्रविस हेडले १ सय २० बलमा १५ चौका र ४ छक्कासहित १ सय ३७ रनको सानदार शतकीय इनिङ खेले । मार्नस लाबुसेन ११० बलमा ४ चौकासहित ५८ रनमा अविजित रहे ।

एक समय ४७-३ को अवस्थामा पुगेको अष्ट्रेलियालाई च्याम्पियन बनाउन चौथो विकेटका लागि लाबुसेन र हेडले १ सय ९२ सानदार शतकीय साझेदारी गर्दै च्याम्पियन बनाए । टोलिलाई दुई रन चाहिदा हेड आउट भएका थिए । ग्लेन म्याक्सवेलले विजयी २ रन जोडे ।

ओपनर डेविड वार्नर मोहम्मद शामीको दोस्रो ओभरको पहिलो बलमै एज लागेर स्लिपमा विराट कोहलीबाट ७ रनमा क्याच आउट भएका थिए ।

भारतका लागी विकेटकिपर लोकेश राहुलले १ सय ७ बलमा १ चौकासहित सर्वाधिक ६६ रन बनाएका थिए । विराट कोहलीले ६३ बलमा ४ चौकासहित ५३ रन जोडेका थिए ।

कप्तान रोहित शर्माले ३१ बलमा ४ चौका र ३ छक्कासहित ४७ रन बनाए । अन्य कुनैपनी ब्याटरले राम्रो गर्न सकेनन्।

अष्ट्रेलियालाई च्याम्पियन बनाउन तिव्र गतिका बलर मिचेल स्टार्कले १० ओभरमा ५५ रन खर्चेर ३ विकेट लिए । कप्तान प्याट कमिन्सले १० ओभरमा ३४ रन खर्चेर २ विकेट लिएका थिए । अष्ट्रेलियालाई जिताउन उनको कप्तानी पनि महत्त्वपूर्ण रह्यो ।

भारतले लिगमा सबै खेल जितेको थियो । यसअगी लिगमा अष्ट्रेलियालाई भारतले ६ विकेटले हराएको थियो तर फाइनलमा नराम्रो हार बेहोर्नु पर्यो भने २०११ पछी उपाधी जित्ने सपना पुन अधुरै रह्यो ।

तपाईंको प्रतिकृया