हर्क सम्पाङ्ग को कडापरिश्रम को फल : कोकाहा खोलाको पानी धरान आइपुग्यो

२०८० जेठ ३०॥

काठमाडौँ । उपमहानगरपालिकाका मेयर हर्क साम्पाङको कडा परिश्रम र मेहनतको परिणामस्वरूप कोकाहा खोलाको पानी धरान आइपुगेको छ ।

उनी कोकाहाको पानी पकुवा खोलासम्म नल्याइ घर नै जान्न भन्दै रातभर काममा खटिएका थिए । अन्ततः पानी धरान ल्याउन सफल भएपछि सोमबार मध्यरात मेयर साम्पाङ भावुक भएका थिए । राति १२ बजेर ३ मिनेटमा उनले दिएको बचन पूरा गर्दै पानी झार्न सफल भएका हुन् ।

मेयर साम्पाङले कोकाहा खोलाको पानीमा नुहाउन धराने जनतालाई आह्वान गरेका छन् । उनले लेखेका छन्, ‘आज ११ बजेदेखि कोकाहा खोलाको पानीमा नुहाउने कार्यक्रम रहेको छ ! कोकाहाको पवित्र जलले नुहाउन धरान २० को माया धराने साबुन फ्याक्ट्री निर्माण स्थल छेउ पकुवा खोलामा आउनु होला ! जय श्रमदान !’

तपाईंको प्रतिकृया