काठमाडाैं | जेठ ३, २०८०

महासंघका अध्यक्ष चन्द्रप्रसाद ढकालले आज नेपाल उद्योग वाणिज्य महासंघको सूचना तथा सञ्चार प्रविधि विकास समितिमा सभापति शक्तिकुमार वेगानीलाई चयन गरेका छन् । उन्ले महासंघको विधान बमोजिम वेगानीलाई समिति मा चयन गरेका हुन् ।

शक्तिकुमार वेगानी श्री गणपति ज्वेलर्सका अध्यक्ष र वेगानी ग्रुपका प्रबन्ध निर्देशक हुन् । सूचना तथा प्रविधि क्षेत्रमा जानकार रहेका उनी मुलुकको प्रतिष्ठित व्यापारिक घराना भित्र पर्दछन साथै २ पटक महासंघको कार्यकारिणी सदस्यमा निर्वाचित भाई सकेका हुन् ।

एक दर्जन भन्दा बडी ब्यावसाय संचालन गरेका उनि भन्छन् ‘मेरो कार्यकालमा सूचना तथा सञ्चार प्रविधिको उच्चतम प्रयोगमा ल्याइनेछ’ उनले अगाडी भने ‘यसको अधिकतम विकासलाई लागि मेरो समितिले अहम् भूमिका खेल्नेछ ।’

यसअघि महासंघको बैंक फाइनान्स तथा इन्सोरेन्स समितिको उपाध्यक्ष भई उनले सफल कार्यकाल पूरा गरिसकेका छन् ।​​

मनोनयनको प्रमाणपत्र वितरण गर्दै महासंघका अध्यक्ष ढकालले वेगानीको चयनसँगै सूचना प्रविधि क्षेत्रको अधिकतम प्रयोगसहित महासंघको छवि र प्रतिष्ठालाई अझ बढी सशक्त रुपमा अघि बढाउन सहयोग पुग्ने बताए ।