२०८० जेठ ३ बुधबार

काठमाडौँ l सुदूरपश्चिमको प्रसिद्ध पर्यटकीय क्षेत्र खप्तडमा पनि केबलकार निर्माणका लागि सुदूरपश्चिमका संघीय सांसद र प्रदेश सभा सदस्यहरूको टोलीले सातै प्रदेशमा केबलकार निर्माणको नेतृत्व गरेका नेपाल उद्योग वाणिज्य महासंघका अध्यक्ष चन्द्रप्रसाद ढकाललाई आग्रह गरेको थियो ।

पूर्वाधार निर्माणका लागि वातावरणीय प्रभाव मूल्यांकन र जग्गाप्राप्ति निकै कठिन रहेको हुँदा यी विषयमा सरकारले सहजीकरण गर्नुपर्ने ढकालको भनाइ थियो ।

भेटका क्रममा राष्ट्रिय सभा सदस्य गरिमा शाहले खप्तडमा भारतीयलगायत आन्तरिक पर्यटकको पनि आकर्षण रहने हुँदा निजी क्षेत्रका लागि पनि लगानीको अवसर रहेको बताइन् । भेटमा सुदूरपश्चिम क्षेत्रका शाह, शेरबहादुर खड्का, प्रदेश सभा सदस्य दीर्घ सोडारी र दिपकसिंह ओली, नेपाली कांग्रेसका नेता गोविन्दबहादुर शाह, हर्कबहादुर सिंह सहभागी थिए ।