कपिलवस्तुका न्यायाधीश गिरी पक्राउ

In Headlines
April 12, 2023
Sushil Paudyal

२९ चैत २०७९, बुधबार

वैवाहिक बलात्कारको आरोपमा जिल्ला अदालत कपिलवस्तुका न्यायाधीश भुवन गिरीलाई प्रहरीले पक्राउ गरेको छ।

पीडित आरती रावलले गिरीविरुद्ध वैवाहिक बलात्कारको आरोप लगाउँदै प्रहरीमा किटानीसहित उजुरी दिए अनुसार काठमाडौँ जिल्ला प्रहरी परिसरका प्रमुख दानबहादुर कार्कीले आरोपित गिरीलाई पिडितको कोठाबाटै नियन्त्रणमा लिइएको जानकारी दिएका छन् ।

न्यायाधीश गिरीले विवाह गर्ने प्रलोभन देखाएर वर्षौंदेखि बलात्कार गर्दै आएको र कुटपिट गरी शारीरिक शोषण गर्दै आएको पीडितको आरोप छ।

जिल्ला अदालत कपिलवस्तुमा पक्राउ पुर्जी जारी भएका गिरी काठमाडौँ आएको सूचना पाएपछि प्रहरीले निगरानी बढाएको थियो। पीडित आरती रावलको कोठामा फेला परेका गिरीले आफू न्यायाधीश रहेको भन्दै प्रहरीले पक्राउ गर्न नसक्ने बताएका थिए । पक्राउ पुर्जीसहित पुगेको प्रहरीले गिरीलाई नियन्त्रणमा लिई कपिलवस्तु प्रहरीलाई बुझाउने तयारी गरेको छ।

पीडित आरती गिरी रावलले न्यायाधीश गिरीलाई पक्राउ गरी कारबाही प्रक्रिया अगाडि बढाउन माग गर्दै कालो कपडा लगाएर सर्वोच्च अदालत परिसरमा विरोध प्रदर्शन गर्दै आएकी थियिन्।

तपाईंको प्रतिकृया