सांसद श्रेष्ठको अडियो प्रकरणबारे रास्वपा अनुशासन समितिको बैठक बस्दै

२०७९ चैत २८ गते

अनुशासन समितिका संयोजक भरत देवकोटाको संयोजकत्वमा सांसद ढाका कुमार श्रेष्ठको अडियो प्रकरणबारे छलफल गर्न राष्ट्रिय स्वतन्त्र पार्टी (रास्वपा) को अनुशासन समितिको बैठक आज बस्दै छ ।

रास्वपाको अनुशासन समितिमा चार सदस्य छन् । पार्टीका महामन्त्री एवम् प्रवक्ता डा. मुकुल ढकालले यसबारे निर्णय गर्ने अधिकार र जिम्मा पूर्ण रुपमा अनुशासन समितिलाई दिइएको बताए।

केही दिन अघि मात्र सांसद श्रेष्ठले स्वास्थ्य मन्त्री बन्नका लागि व्यवसायी दुर्गा प्रसाईँसँग दुई करोड रुपियाँ आर्थिक सहयोग मागेको अडियो सार्वजनिक भएको थियो ।

यसैगरी दोस्रो पनि सार्बजनिक भएको छ र अडियोमा आफूलाई ढाका कुमार श्रेष्ठको भाइ बताउने व्यक्ति र दुर्गा प्रसाईंबीचको फोन सम्वाद छ । त्यसमा ती व्यक्तिले ढाका कुमारले भेट्न चाहेको भन्दै दुर्गा प्रसाईंसँग समय मागेका छन् ।

तपाईंको प्रतिकृया