सरकारले मिटरब्याजी पीडित सँग वार्ता गर्ने

In Headlines
April 7, 2023
Sushil Paudyal

चैत २४, २०७९ : शुक्रबार

पाँच सदस्यीय वार्ता समिति सहित गृह मन्त्रालयले मिटरब्याजीपीडितहरूसँग वार्ता गर्न प्रदीपकुमार कोइरालाको संयोजकत्वमा वार्ता समिति गठन गरेको छ । ‘मिटरब्याज तथा ठगीविरुद्ध किसान–मजदुर संघर्ष समिति’ नामक पीडितहरूको संगठनले आन्दोलन जारी राखेकोले उनीहरुको मागलाई सम्बोधन गर्न उक्त बार्ता समिति गठन गरिएको हो l

पाँच सदस्यीय वार्ता समितिमा प्रधानमन्त्री कार्यालयका उपसचिव उमाकान्त अधिकारी, कानुन मन्त्रालयका उपसचिव जंगबहादुर डाँगी तथा प्रहरी उपरीक्षक दिनेशराज मैनाली सदस्य छन् । गृह मन्त्रालयको उपसचिव दिलकुमार तामाङ सदस्यसचिव छन् ।

उपप्रधानमन्त्री एवं गृहमन्त्री नारायणकाजी श्रेष्ठले पीडितलाई अविलम्ब सम्बोधन गर्न निर्देशन दिएको र समितिले तत्काल आवश्यक पहल थाल्ने मन्त्रालयका प्रवक्ता जितेन्द्र बस्नेतले जानकारी दिए ।

तपाईंको प्रतिकृया