बिदुर अधिकारी, ललितपुर, चैत्र ८,  स्विस  उद्धमी तथा प्रशिक्षक मारियो ब्रुल्मनद्वारा लिखित पुस्तक “उद्धमीहरूका निम्ति दश अज्ञा” विमोचन भएको छ । नेपालमा कम नेपाल नामक संस्थामर्फत नेपाली उद्धमीहरू र उद्धम सुरूवात गर्न चाहनेहरूका लागि तालिम र सफ्टवेयर उपलब्ध गराउँदै आएको ले २ ब्याच गरी हालसम्म ७० जना उद्धमी तयार पारिसकेको छ ।

करिब ८०जना नेपाली उद्धमीहरू, पत्रकार तथा कर विभागका प्रमुख, माइती नेपालका प्रतिनिधि, नगर क्षेत्रका प्रतिनिधि, उद्धमीहरूको उपस्थितमा हिमालय होटलमा उक्त पुस्तक विमोचन गरिएको थियो । COM का Project Manager (Gallus Tannheimer) गालस ट्यानहेमरले
उक्त पुस्तकको महत्व तथा उपयोगात स्पष्ट पार्दै गरीबी हटाउने र मानिसहरूप्रति प्रेमको चर्चा गर्नुभएको थियो । चर्चित गायिका अञ्जु पन्तले दुईवटा भजन गीत र प्रेम गीत नामक चलचित्रको एउटा गीत प्रस्तुत गर्दै परमेश्वरप्रति कृतज्ञतासहितको संक्षिप्त भनाइ राख्दै प्रशस्ता मनोरञ्जन गराउनुभएको थियो भने, दुई जना बिहनीहरूले प्राणभन्दा प्यारो मेरो माइती घर बोलको सदाबहार गीतमा आकर्षक नृत्य समेत प्रस्तुत गर्नुभएको थियो । अशिष खड्काले मारियो ब्रुल्हमनको प्रस्तुतिलाई अनुवाद गरिदिनुभएको थियो भने अनुवादक तथा सम्पादक विदुर अधिकारीले Gallus Tannheimer (गालस ट्यानहेमर) को मन्तव्यलाई अनुवाद गरिदिनुभएको थियो ।

मालती राई पाण्डेले रोचक टिप्पणीसहित सञ्चालन गर्नुभएको उक्त कार्यक्रममा पास्टर जिरमान राईले समर्पणको प्रार्थना गर्नुभएको थियो जसको लगत्तैपछि राष्ट्रगान गाइएको थियो अनि कम नेपालका निर्देश अशिष खड्काले स्वागत मन्तव्य दिनुभएको थियो । धन्यवाद कम नेपालका अफिसर रेबिका तामाङले दिनुभएको थियो अनि समापनको प्रार्थना पास्टर हिरा श्रेष्ठले गर्नुभएको थियो ।

Asian Institute of Technology and Management (AITM) DAV College का प्राध्यापक सुवर्ण गिरीले पुस्तक समीक्षा गर्दै यसमा गहिरा व्यावसायिक रणनीतिहरू सरल र रोचक ढंगमा प्रस्तुत गरिएको छ, म पनि यस्तै विधि अपनाएर शिक्षण गर्नेछु, सम्भव भएमा यो पुस्तक अध्ययन गर्न आफ्ना विद्धयार्थीहरूलाई प्रेरित गर्नेछु, भन्नुभयो ।

Swiss Consulting Group SCG AG को बिजनेश डेभलप्मन्ट ब्रान्चको रूपमा SwissCreate ले विश्वका गरीब मुलुकहरूमा निशुल्क रूपमा तालिम तथा सिड मनी समेतको व्यवस्था मिलाउँदै अएको छ । हाल रोमानिया, भियतनाम, कजाखस्तान, मोल्दोभा, तथा नेपालमा यसले काम गरिरहेको छ । स्मरण रहोस्, परोपकारी मूल्यमान्यताअनुरूप, यस संस्थामा काम गर्ने परामर्शदाता तथा प्रशिक्षकहरूले एक तिहाइ समय र सोतसाधन यास्त मुलुकमा निशुल्क रूपमा सेवा स्वरूप उपलब्ध गराउने प्रतिद्धता जनाएका छन्, र सोहीअनुरूप काम गरिरहेका पनि छन् ।

अन्त्यमा, लेखक मारियोले पुस्तकमा हस्ताक्षर गर्नु भई उपस्थित सबै जनालाई एक एक प्रति पुस्तक उपलब्ध गराइएको थियो ।

From Inside the Book:
“उद्यमशीलताको मानसिकतालाई व्यक्ति, व्यवसायी, कम्पनीहुँदै आम जनसमुदायमा कसरी बृहत् रूपमा विस्तार गर्न सकिन्छ भन्ने चित्तबुझ्दो रूपरेखा उपलब्ध गराउने यो पुस्तक अति प्रभावकारी र व्यावहारिक छ । विशेष गरी नेपाल जस्तो देश जो लामो राजनीतिक अस्थिरता र द्वन्द्वबाट गुज्रेर आएको छ, हाम्रो अबको आवश्यकता भनेको आर्थिक समृद्धि नै हो । तर रोजगारी सृजना र स्वावलम्बन सहितको त्यस्तो आर्थिक समृद्धि कसरी प्राप्त गर्ने भन्ने बारेमा चाहना राख्नु मात्रै पर्याप्त छैन । यी विचारहरूलाई नारामा मात्र सीमित नराखी वास्तविक रूपमा लागू गर्ने हो भने, आधारभूत रूपमा पाइला–पाइला गर्दै पारिवारीक, सानो र मझौला आकारको व्यवसायलाई मार्गनिर्देशन गर्नु अति आवश्यक हुन जान्छ । जब साना तथा मझौला आकारका उद्यमीहरूले उद्यमशीलताको माध्यमबाट आफ्नो लागि, परिवारको लागि साथै अरूको लागि रोजगारीको सृजना गरि बजारमा गुणस्तरीय वस्तु तथा सेवा दिएर समाजले भोगेका समस्या र खाँचो पूर्ति गर्नेछन्, तब त्यहाँ सन्तुलित जीवन शैलीको वातावरण सृजना हुन जान्छ । यस्तो उद्यमशीलता सुरु गरेर फैलाउनको लागि यो पुस्तकमा समाविष्ट विचार, अनुभव, उदाहरण, र शिक्षा अति उपयोगी हुनेछ ।” -Ashis Khadka, Country Director, Com Nepal

“दश आज्ञालाई दैनिक व्यावसायिक जीवनसँग मिलाएर लानु एउटा चुनौती छः यसलाई व्यवहारमा लागू गर्नुका सीमाहरू देखापर्दछन् र यी सीमाहरूलाई स्वीकार गर्नै पर्छ । यसलाई हामी विवेक प्रयोग गर्नुपर्ने जिम्मेवारी भन्दछौँ । साथै, कतिपय अवस्थामा सृजनात्मक कार्यहरूको निम्ति कल्पना नगरिएका सम्भावनाहरू देखा पर्छन् । यसलाई उद्यमीपनको सोचाइ र कार्य भनिन्छ ।
यत्तिकै भइहाल्छ नि वा तनमन लगाएर काम नगर्ने जस्ता कुराको निम्ति यो पुस्तकमा कुनै स्थान छैन । यो पुस्तक उद्यमीहरूका लागि हो, त्यस्ता मानिसहरूका लागि जसले उद्यमशीलताको स्वतन्त्रता र जिम्मेवारीहरूलाई बहन गर्न चाहन्छन् । यसले एउटा प्रभावकारी उद्यमी बन्न दश चरणको प्रक्रिया र विचारहरूको उदाहरण दिएर एउटा यस्तो उद्यमी बन्ने उदाहरण दिन्छ जसले मानिसहरू र वातावरणलाई कदर गर्दछ ।” – Mario Bruehlmann, CEO, Swiss Create

कम नेपालका निर्देश आशिष खड्काले लामो समयसम्म व्यवस्थापवन संकायमा अध्यापन गराएको अनुभवका साथै तालिम भ्रमण आदिबाट प्राप्त ज्ञानको आधारमा नपालमा यो अभियानलाई नयाँ तरिकाले हाँक्दै हुनुहुन्छ ।
– Bidur Adhikari