चैत १०, २०७९

सन् २०१९ मा कर्नाटकमा आयोजित चुनावी कार्यक्रममा दिएको विवादित बयानका कारण भारतीय कांग्रेसका नेता राहुल गान्धीलाई २ वर्ष जेल सजाय भएको छ ।

चुनावी कार्यक्रममा राहुलले ‘मोदी’ थरमाथि अपमान हुने गरी अभिव्यक्ति दिएपछि गुजरातका भारतीय जनता पार्टी (बीजेपी) सांसद पूर्णेश मोदीले दिएको मुद्दामाथि फैसला सुनाउँदै सूरत अदालतले बिहीवार राहुललाई जेल हुने ठहर गरेको हो ।

नेता राहुललाई जेल सजाय भएपछि कांग्रेस नेता, कार्यकर्ता विरोध प्रदर्शनमा उत्रिएका छन् । अब राहुलले उच्च अदालतमा पुनरावेदन गर्ने विकल्प बाँकी छ ।अदालतको फैसला कार्यान्वयन भएमा उनी ६ वर्ष चुनाव लड्न अयोग्य हुने भएका छन् ।