नवनिर्वाचित राष्ट्रपति पौडेल बाडेगाउँको ‘भट्टराई आश्रम’मा

In Headlines
March 11, 2023
Sushil Paudyal

_{नवनिर्वाचित राष्ट्रपति रामचन्द्र पौडेलले कृष्णप्रसाद भट्टराईको सालिकमा माल्यार्पण गर्नुहुँदै}

२७ फागुन २०७९, शनिबार

नवनिर्वाचित राष्ट्रपति रामचन्द्र पौडेलले आज (शनिबार) ललितपुरको बाडेगाउँस्थित भट्टराई आश्रमको अवलोकन एवम् निरीक्षण गर्नुभएको छ ।

सो अवसरमा भट्टराई आश्रम पुग्नुभएका नवनिर्वाचित राष्ट्रपति पौडेलले आश्रममा रहेको नेपाली कांग्रेसका संस्थापक नेता एवम् पूर्व प्रधानमन्त्री कृष्णप्रसाद भट्टराईको सालिकमा माल्यार्पण गर्नुभयो ।

उहालाई आश्रमको सञ्चालिका अमिता कपाली, नेपाली कांग्रेसका उपसभापति एवम् पूर्व गृहमन्त्री पूर्णबहादुर खड्का, पूर्व राजदूत एवम् नेपाली कांग्रेसका नेता दीपकुमार उपाध्याय, नेपाली कांग्रेस बागमती प्रदेशका सहमहामन्त्री ऋषिराम घिमिरे, प्रदेश सभा सदस्य मीनकृष्ण महर्जन, जिल्ला समन्वय समिति ललितपुरका सभापति ऋषिदेव फुयाँललगायतले स्वागत गर्नुभएको थियो ।

नव निर्वाचित राष्ट्रपति पौडेललाई आश्रमका सञ्चालिका कपालीले आश्रमको गतिविधिबारे जानकारी गराउनु भएको थियो ।

रासस

तपाईंको प्रतिकृया