रामचन्द्र पौडेलको रुपमा नेपालले नयाँ राष्ट्रपति पायो

_{President Of Nepal (9th March, 2023 to…….)}

फागुन २५, २०७९ बिहिबार

आज बिहीवार भएको राष्ट्रपतिको चुनावमा नेपाली कांग्रेसका वरिष्ठ नेता रामचन्द्र पौडेल नेपालको तेस्रो राष्ट्रपतिको रुपमा चुनिनु भएको छ । उहाले नेकपा एमालेका उम्मेदवार सुवास नेम्वाङलाई हराउँदै राष्ट्रपतिमा निर्वाचित हुनुभएको हो ।

मतभारको हिसाब गर्दा रामचन्द्र पौडेलले ३३ हजार आठ सय दुई र उहाँका प्रतिस्पर्धी सुभास नेम्वाङले १५ हजार पाँच सय १८ मत प्राप्त गर्नुभयो ।

पूर्वसभामुखसमेत रहनुभएका पौडेल कांग्रेससहित नेकपा माओवादी केन्द्र, राष्ट्रिय स्वतन्त्र पार्टी, नेकपा एकीकृत समाजवादी, जनता समाजवादी पार्टी नेपाल, लोकतान्त्रिक समाजवादी पार्टी नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चा र नेपाल समाजवादी पार्टीको समर्थनमा राष्ट्रपतिमा निर्वाचित हुनुभएको हो । राष्ट्रिय प्रजातन्त्र पार्टी भने मतदानमा सहभागि भएन ।

२००१ साल असोज २९ गते तनहुँको व्यसमा जम्मनुभएका पौडेल नेपाली कांग्रेस पार्टीबाट छ दशक अनवरत प्रजातान्त्रिक आन्दोलनमा संलग्न हुनुहुन्छ । उहाँ छ पटक सांसद, पाँच पटक मन्त्री र एक पटक प्रतिनिधिसभाको सभामुख बन्नुभएकाे छ । २०६६ सालमा प्रधानमन्त्री बन्नका लागि संसदमा १७ पटकसम्म चुनावी प्रतिस्पर्धामा भाग लिए पनि उहाँले जित हासिल गर्न सक्नुभएको थिएन ।

राष्ट्रपति विद्यादेवी भण्डारीको कार्यकाल यही फागुन २८ गते सकिन लागेकाले आज नयाँ राष्ट्रपतिका लागि चुनाव भएको हो ।

रासस

तपाईंको प्रतिकृया