फागुन मसान्तसम्म भुक्तानी नपाए उखु किसानले पुनः आन्दोलन गर्ने

In Headlines
March 7, 2023
Sushil Paudyal

२०७९ फागुन २३ गते

पटक पटक उँखु किसानले ज्ञापनपत्र दिने, पटक पटक आन्दोलन गर्ने अनि सम्बन्धित निकाय बाट खाली आश्वासन मात्र पाउने प्रकिया चल्दै गर्दा यसैबीच कपिलवस्तुका उखु किसानले आफूहरूले पाउनुपर्ने रकम नपाएको भन्दै सरकारलाई पुनः ध्यानाकर्षण गराएका छन् ।

सोमबार इलाका प्रशासन कार्यालय चन्द्रौटामार्फत सरकारलाई उनीहरूले ज्ञापनपत्र बुझाएका छन् । यहाँका किसानहरूले यसअघि यसरी माग गरेको धेरै समय भइसकेको छ तर समाधान भएको छैन ।

उखु किसानले पाउनुपर्ने रकम नपाएको भन्दै आव २०७१।०७२ मा नेपाल सरकारले दिने निर्णय गरेको रकम पनि अहिलेसम्म नदिएको भन्दै उक्त रकमको माग गरिएको छ ।

किसानको मागमा सिँचाइको व्यवस्था, किसानले ट्र्याक्टर खरिदमा भन्सारमा सहुलियत, चिनी मिलको स्थापनालगायत १० बुँदे माग गरेका छन् ।

पटक पटकको आन्दोलनपछि विसं २०७७ पुस १३ गते नेपाल सरकारसँग अनुदान रकम दिने सम्झौता भए पनि कार्यान्वयन नहुँदा पुनः आन्दोलनको तयारी गरेको अध्यक्ष चौधरीले बताए ।

ज्ञापनपत्र दिँदै अध्यक्ष चौधरीले फागुन मसान्तसम्म पनि कुनै सुनुवाइ नभए माइतीघर मण्डलामा धर्ना प्रदर्शन गर्ने जानकारी दिए ।

पटक पटक आन्दोलन गर्दासमेत सुनुवाइ नभएकाले किसान पीडित बन्ने अवस्थामा रहेको चौधरीको भनाइ छ ।

तपाईंको प्रतिकृया