मोटरसाइकलको ठक्करबाट बृद्धको मृत्यु

In Headlines
February 28, 2023
Sushil Paudyal

मंगलबार, १६ फागुन २०७९, महोत्तरी ll हिँजो राति मोटरसाइकलले ठक्कर दिँदा महोत्तरीको बलवा नगरपालिका–१० मा एकजना भारतीय नागरिकको मृत्यु भएको छ ।

जिल्ला प्रहरी कार्यालय महोत्तरीका प्रहरी नायब उपरीक्षक सन्तोषकुमार पोखरेलले जानकारी दिए अनुसार मृत्यु हुनेमा भारत विहार राज्यको मधुबनी जिल्लाको साहरघाट ग्रामपञ्चायत बस्ने ६७ वर्षीय प्रेमलाल महतो हुन् ।

उनलाई प्र२–०२–००२प ३३७२ नंको मोटरसाइकलले बाटो काट्दै गर्दा ठक्कर दिएको थियो । उपचारको लागि बर्दिबास ट्रमा सेन्टरमा लगिएको थियो र उपचारका क्रममा उनको आज बिहान मृत्यु भएको हो ।

मोटरसाइकल चालक २२ वर्षीय कृष्ण चौधरीलाई प्रहरीले नियन्त्रणमा लिएको जनाएको छ ।

रासस

तपाईंको प्रतिकृया