आईसीसी विश्वकप लीग-२ :यूएईमा पनि नेपलको सहज जीत

In खेल
February 27, 2023
Sushil Paudyal

यूएईमा आजबाट सुरु आईसीसी विश्वकप लिग- २ लिग टू अन्तर्गत त्रिकोणात्मक एकदिवसीय अन्तराष्ट्रिय सिरिजमा नेपालले पपुवा न्युगिनी लाई ४ विकेटले पराजित गरेको छ।

पीएनजीले दिएको २ सय ४ रनको लक्ष्य नेपालले ४५.२ ओभरमा ६ विकेट गुमाएर पूरा गर्यो ।

कुशल भुर्तेलले ६९ बलमा ५६ रन, आसिफ शेखले ४४ रन,आरिफ शेखले ६२ बलमा ३८ रन, कप्तान रोहितकुमार पौडेलले २० रन र दीपेन्द्रसिंह ऐरीले १७ रनको योगदान जितको लागि महत्ववपूर्ण रह्यो l

नेपालका लागि गुलशन झाले ३ तथा कुशल मल्लले २ विकेट लिए । करण केसी,सोमपाल कामी,प्रतिश जीसीको नाममा समान १/१ विकेट रह्यो ।

पीएनजीका लागि चाड सोपारले अविजित ३६ रन बनाउँदा कप्तान असद भाला ३६ रनमा गुलशन झाबाट आउट भए । सेसे बाउ पनि झाकै बलमा ३१ रनमा आउट भए ।

पीएनजीका लागि कप्तान असद भालाले ३ तथा नर्मन भानुवा र सेसे बाउले समान १/१ विकेट लिए ।

तपाईंको प्रतिकृया