काठमाडौं, फागुन १४ गते । उपप्रधानमन्त्री तथा अर्थमन्त्री विष्णुप्रसाद पौडेल भारतको बेंङलुरुमा आयोजित जी-२० का अर्थमन्त्रीहरुको सम्मेलनमा भाग लिएर शनिबार राती ९ : ०० बजे स्वदेश फर्केका छन् ।

सम्मेलनमा भाग लिनुका अतिरिक्त उपप्रधानमन्त्री तथा अर्थमन्त्री पौडेलले भारतका अर्थमन्त्री निर्मला सितारमण, चीनका अर्थमन्त्रालयका उपमन्त्री वाङ दङवै लगायतसँग अर्थतन्त्र र विकासका विविध आयामबारे छलफल गरेका थिए ।

जी २० का अर्थमन्त्रीहरुको सम्मेलन अस्ति र हिजो भएको थियो । सम्मेलनमा भाग लिन उपप्रधानमन्त्री तथा अर्थमन्त्री पौडेल फागुन ११ गते भारत जानु गएका थिए ।

भारतले आगामी ९ र १० सेप्टेम्बर २०२३ मा दिल्लीको प्रगति मैदानमा जी – २०को आयोजना गर्दे छ नेपाल जी-२० को सदस्य नरहे पनि अस्तीको सम्मेलनमा भाग लिन भारतले नेपाललाई निमन्त्रणा गरेको थियो ।