यू- १९ विश्वकप छनोटमा नेपालको बिजय सुरूवात

In Headlines, खेल
February 25, 2023
Sushil Paudyal

शनिबार, फागुन १३, २०७९ ll युएईमा शुक्रबादेखि सुरु भएको आइसिसी यू-१९ विश्वकपअन्तर्गत एसिया छनोट प्रतियोगितामा नेपालले सिंगापुरलाई ९६ रनले पराजित गरि सानदार सुरुवात गरेको छ ।

नेपालले टस जितेर पहिले ब्याटिङ्ग गर्दै दिएको २६२ रनको लक्ष्य पछ्याएको सिंगापुरले ५० ओभरमा ७ विकेटको क्षतिमा १६५ रन मात्र जोड्यो।

नेपालको लागि आकाशले ७ चौका र १ छक्का प्रहार गरि ७८ रन जोडे। तेसैगरि विशालले ५४ बलमा ६३ रनको योगदानको दिए र नेपालले ५० ओभरमा ७ विकेट गुमाएर २६१ रन जोड्यो।

यसैगरी अन्य खेलाडीहरु दीपक बोहराले ‘ए’ ले ५ रन र अर्जुन कुमालले ३७ रन जोडे। कप्तान देव खनाल २१ रन जोडेर आउट भए। दीपक बोहरा ‘बी’ ले १७ रन र दीपक डुर्मेले १० रन बनाए। सुवास भण्डारीले नटआउट १२ रन जोडेका थिए l

छनोट प्रतियोगितामा नेपालसहित घरेलु टिम युएई अनि हङकङ, कुवेत, मलेसिया र सिंगापुर गरी ६ टिमबीच प्रतिस्पर्धा हुँदैछ।

नेपालले फागुन १३ गते कुवेतविरुद्ध खेल्नेछ भने फागुन १५ गते हङकङसँग खेल्नेछ। फागुन १६ गते मलेसियासँग चौथो खेल खेल्दा अन्तिम खेल आयोजक युएईसँग फागुन १८ गते खेल्ने तालिका छ।

मार्च २ सम्म हुने प्रतियोगिताको च्याम्पियन टिमले आगामी वर्ष हुने विश्वकपमा स्थान बनाउनेछ।

तपाईंको प्रतिकृया