टर्कीमा फेरि शक्तिशाली भूकम्प, तीन जनाको मृत्यु

In Headlines
February 21, 2023
Sushil Paudyal

मंगलबार , ०९ फागुन २०७९ ll टर्कीको दक्षिणी क्षेत्र आन्तक्य, डेफ्ने र सामन्दगीमा बढी क्षति पुर्याउने गरि फेरी ६.४ म्याग्निच्युटको भूकम्पगएको छ l विनाशकारी भूकम्प गएको २ साता पछि गएको यो भूकम्पले जर्जर अवस्थामा रहेको टर्कीमा थप ३ जनाको मृत्यु र ६ सय ८० भन्दा बढी घाइते भएका छन् ।

पटक पटकको परकम्पनपछि आएको भूकम्पका कारण टर्की र सिरिया क्षेत्रमा त्रास बढेको छ । आपत्कालीन उद्धार र राहतका लागि आवश्यक तयारी गरिएको पनि सरकारी अधिकारीहरुले बताएका छन् ।

टर्कीमा गत फेब्रुअरी ६ यता मात्र साना ठुला गरी ६ हजार भन्दा बढी परकम्प भएको अधिकारीहरूले बताएका छन् । यसअघि गएका २ ठुला भूकम्पमा परी टर्की र सिरियामा गरी ४४ हजार भन्दा बढी मानिसको मृत्यु भएको थियो ।

तपाईंको प्रतिकृया