दोश्रो टेस्टमा भारतसँग अस्ट्रेलियाको लाज्जास्पद हार

In Headlines, खेल
February 19, 2023
Sushil Paudyal

आइतबार, ०७ फागुन २०७९ ll दिल्लीको अरुण जेटली रंगशालामा भएको दोस्रो टेस्टमा अस्ट्रेलियामाथि घरेलु टिम भारतले ६ विकेटको सहज जित निकालेको छ।

भारतले जितका लागि पाएको १ सय १५ रनको लक्ष्य ४ विकेट गुमाएर प्राप्त गरेको थियो । भारतका लागि चेतेश्वर पुजारा र कप्तान रोहित शर्माले ३१/३१ रन बनाए ।

त्यसअघि पहिलो इनिङमा अस्ट्रेलियाले २६३ रन बनाउदा भारतले २६२ रन जोडेको थियो। दोस्रो इनिङमा अस्ट्रेलिया ११३ रनमै अलआउट भएपछि भारतले ११५ रनको सहज लक्ष्य पाएको थियो।

रविन्द्र जडेजा प्लेयर अफ दि म्याच भए उनले पहिलो इनिङमा ३ विकेट र दोस्रो इनिङमा ७ विकेट गरी कुल १० विकेट लिएका छन l

पाँच टेस्टको सिरिजको पहिलो टेस्टमा भारतले एक इनिङ र १३२ रनको जित निकालेको थियो र आजको जितपछी भारतले विश्व टेस्ट च्याम्पियनसिपमा १६ खेलबाट १२३ अंक जोडेको छ। भारत दोस्रो स्थानमा छ। शीर्ष स्थानको अस्ट्रेलियाको १७ खेलबाट १२६ अंक छ।

तपाईंको प्रतिकृया