२०७९ फाल्गुन ५ ll आज नेकपा एमालेका अध्यक्ष एवं पूर्वप्रधानमन्त्री केपी शर्मा ओलीलाई भेट्न चिनियाँ राजदूत चेन सोङ ओलीनिवास बालकोट पुगेका थिए ।

प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ओलीलाई भेटेर फर्केलगत्तै चिनियाँ राजदूत बालकोट पुगेका थिए । राष्ट्रपति चयनको विषयलाई लिएर दाहाल र ओलीबीचको भेटवार्ता बाक्लिइरहेका बेला चिनियाँ राजदूतको भेटलाई अर्थपूर्ण रूपमा हेरिएको छ।

शुक्रबार दिउँसो प्रधानमन्त्री दाहालले बालकोट पुगेर अध्यक्ष ओलीलाई भेटेर फर्कने क्रममा सञ्चारकर्मीलाई प्रतिक्रिया दिँदै ‘आफूहरू एकै ठाउँमा रहेको’ बताएका थिए। उनले राष्ट्रपतिका बारेमा ‘एक–दुई दिनभित्रै सहमति हुने’ सुनाएका थिए।