८६ मेगावाट विद्युत् राष्ट्रिय प्रसारण प्रणालीमा जोडियो

In Headlines
February 12, 2023
Sushil Paudyal

२०७९ माघ २९ ll

सोलुखोला दूधकोशी जलविद्युत् आयोजनाबाट उत्पादित र साहस ऊर्जा कम्पनी लिमिटेड प्रवर्धक रहेको ८६ मेगावाट विद्युत् राष्ट्रिय प्रसारण प्रणालीमा जोडिएको छ l

सोलुखोलाको पानी चार हजार छ सय ७९ मिटर लामो सुरुङमार्ग अनि १९ सय ३८ मिटर लम्बाइकोपाइपलाइन मार्फत थुलुङ दुधकोशी गाउँपालिका–३ मैकुबेसिमा खसाई ८६ मेगावाट विद्युत् उत्पादन गरिएको हो ।

सम्झौताअनुसार काम नगरेको भन्दै इटालीयन कम्पनीसँग ठेक्का तोडेर फेरि नयाँ ठेक्का आह्वान गरिएको थियो । त्यसपछि सीई कन्स्ट्रक्सनले ठेक्का लिएर सिभिल तर्फको काम समयमै सम्पन्न गरी आयोजनाले पूर्णता पाएको हो ।

आयोजनाको हाइड्रो मेकानिकलको ठेक्का माछापुछ्रे एण्ड मेटल वर्कसप र इलोक्ट्रो मेकानिकलको ठेक्का भाइथ हाइड्रोले लिएको थियो । कूल २५ प्रतिशत संस्थापक तथा शेयरधनी र ७५ प्रतिशत बैंकको लगानीमा करिब १३ अर्बको कूल लागतमा निर्माण सम्पन्न भएको हो । नेपाल इन्भेष्टमेण्ट बैंकको नेतृत्वमा १० बैंकको यस आयोजनामा लगानी छ ।

केन्द्रीय प्रसारण लाइन जोडिएसँगै अबको १५ दिनभित्र व्यावसायिक उत्पादन गरिने कम्पनीका अध्यक्ष पाठकको भनाइ छ । यसअघि सोलुखोलामै निर्माण भएको २३ दशमलव पाँच मेगावाट क्षमताको अपर सोलु जलविद्युत् आयोजना राष्ट्रिय प्रसारण लाइनमा जोडिएको छ । सोलुखोलामा अझै एक सय ५० मेगावाटभन्दा बढी क्षमताका विद्युत् आयोजना निर्माणको क्रममा छन् ।

तपाईंको प्रतिकृया