२०७९ माघ २६ || आज धनुषाको नकटाझिजस्थित खेल मैदानमा भएको पाँचौं सहाना प्रधान स्मृति राष्ट्रिय महिला हक्की प्रतियोगिताको फाइनलमा नेपाल आर्मी र लुम्बिनी प्रदेश फाईनलमा प्रवेश गरेका छन् ।

सेमिफाइन खेलमा नेपाल आर्मीले मधेश प्रदेशलाई ७–० को भारी गोल अन्तरले हराउँदै नेपाल आर्मी फाइनमा प्रवेश गरेको हो ।यस्तै, दोस्रो तथा अन्तिम सेमिफाइनल खेलमा लुम्बिनीले सुदूरपश्चिम प्रदेशलाई १–० गोलले हराउँदै लुम्बिनी प्रदेश फाइनल प्रवेश गरेको छ । 

धनुषाको मिथिला नगरपालिकामा स्वर्गीय सहाना प्रधानको स्मृति दिवसको उपलक्ष्यमा हुन लागेको महिला राष्ट्रिय हक्की प्रतियोगिताको पाँचौं संस्करण सोमबारदेखि सुरु भएको थियो । नेपाल हक्की संघ र स्थानीय मिथिला नगरपालिकाको आयोजनामा ​​विगत चार वर्षदेखि स्मृति दिवसमा प्रतियोगिता आयोजना हुँदै आएको छ ।