यू-२० महिला साफ : नेपालको भारतमाथि ३-१ को सानदार जीत सहीत फाईनलमा

In खेल
February 8, 2023
Sushil Paudyal

बंगलादेशमा जारी साफ यू-२० महिला च्याम्पियनसिपमा नेपालले भारतमाथि ३-१ को शानदार जित हासिल गर्दै फाइनलमा पुगेको छ।

बंगलादेशको राजधानी ढाकास्थित वीर श्रेष्ठ शाहिद सिपाही मुस्तफा कमाल स्टेडियममा नेपालले भारतलाई ३–१ गोल अन्तरले हराएको हो। पहिलो हाफमा १-० ले पछि परेको अवस्थामा नेपालले दोस्रो हाफको तेस्रो मिनेटमा नै भारतीय गोलकिपरको कमजोरीको फाइदा उठाउँदै अञ्जली चन्दले बराबरी गोल फर्काइन्।

खेलको ६७ औँ मिनेटमा भारतीय खेलाडीले डी-बक्सभित्र नेपाली खेलाडीलाई फाउल गरेपछि पाएको पेनाल्टीमा नेपालकी कप्तान प्रीति राईले गोल गर्दै नेपाललाई २–१ को अग्रता दिलाइन्।

खेलको ८८ औँ मिनेटमा नेपालकी अमिषा कार्कीले अर्को गोल थप्दै नेपाललाई जित दिलाइन्। भारतका लागि खेलको पहिलो हाफको २० औँ मिनेटमा अपूर्ण नरजारीले गोल गरिन्।

नेपाल पहिलो खेलमा बंगलादेशसँग ३-१ ले पराजित भए पनि दोस्रो खेलमा भुटानलाई ४-० ले पराजित गरी ३ अंक जोडेको थियो। तेश्रो खेलमा आज नेपालले भारतलाई ३-१ ले पराजित गरेसँगै नेपाल ३ खेलबाट ६ अंक जोड्दै फाइनल पुगेको हो।

तपाईंको प्रतिकृया