स्वास्थ्य तथा जनसंख्यामन्त्री पदम गिरी र नेपालका लागि बेलायती राजदूत निकोला क्याथरिनबीच भेटवार्ता

In Article, Headlines
February 3, 2023
Sushil Paudyal

काठमाडौं ,माघ २०: नेपालका लागि बेलायती राजदूत निकोला क्याथरिन पोलिटले आज स्वास्थ्य तथा जनसंख्यामन्त्री पदम गिरीलाई भेटगारेकी छन् ।
भेटमा मन्त्री गिरीले कोभिडको समयमा बेलायतले नेपाललाई गरेको सहयोगको स्मरण गर्दै
मन्त्री गिरीले भने – ‘कोभिड १९ महामारीको रोकथाम र नियन्त्रण कार्यमा बेलायत सरकारबाट प्राप्त सहायता सदैव स्मरणीय छ। विपदको घडीमा हाम्रो ऐतिहासिक सम्बन्ध भएको मित्र राष्ट्रबाट प्राप्त सहयोगप्रति आभार व्यक्त गर्दछौं’, ।

बेलायतको सहयोगबाट गुणस्तरीय स्वास्थ्य सेवा प्रदान गर्न आवश्यक भौतिक पूर्वाधार तयारी र नेपाली प्राविधिक जनशक्तिहरुको क्षमता अभिवृद्धि गर्न अतुलनीय योगदान पुग्ने विश्वास व्यक्त गरे साथै बेलायतको सहयोगमा भक्तपुर अस्पताल र पश्चिमाञ्चल अस्पताल पोखरामा अस्पताल भवनको रेट्रोफिटिङ कार्य सञ्चालन भइरहेको पनि बताए ।

राजदूत पोलिटले वर्षौंदेखि स्वास्थ्य क्षेत्रमा गर्दै आएको सहयोगलाई निरन्तरता दिने बताइन्। उनले भक्तपुर अस्पताल र पश्चिमाञ्चल अस्पताल पोखरामा अस्पताल भवनको रेट्रोफिटिङ कार्यलाई निरन्तरता दिने प्रतिबद्धता जनाइन्।
उनले २०२६ सम्ममा नेपाल विकसित देशका रुपमा अगाडि बढ्न सहयोग गर्ने वातावरण बनाउन बेलायतले नयाँ–नयाँ कार्यक्रम ल्याउने जानकारी दिइन्। मन्त्री गिरीले राज्दूत पोलिटले भनेका कुरालाई आफ्नो तहबाट सकेसम्म पूरा गर्ने वचनबद्धता व्यक्त गरे।

तपाईंको प्रतिकृया