संखुवासभामा अरुण तेस्रोको सुरुङ भत्किँदा दुई घाइते ,एक कामदारको मृत्यु

In Headlines
January 31, 2023
Sushil Paudyal

१७ माघ २०७९ । संखुवासभामा निर्माणाधीन नौ सय मेगावाटको अरुण तेश्रोको सुरुङभित्र एक जना कामदारको मृत्यु भएको छ भने २ जना घाइते भएका छन् ।
पावरहाउस रहेको सुरुङभित्र काम गर्ने क्रममा मंगलबार बिहान सुरुङ भत्किएर दुर्घटना भएको प्रहरीले जनाएको छ ।

मृत्यु हुनेमा सिन्धुपाल्चोकका २० वर्षीय सूर्य गोले तामाङ रहेका छन् । भोजपुरका ५४ वर्षीय भीमबहादुर पाण्डे र सिन्धुपाल्चोकका ३८ वर्षीय मंगल तामाङ घाइते छन् ।

दुवै जना घाइतेहरूको अवस्था सामान्य रहेको बताइएको छ । मृतकको शव पोष्टमार्टमका लागि अहिले जिल्ला अस्पताल खाँदबारी ल्याइएको छ ।

निर्माणाधीन अरुण तेस्रो जलविद्युत आयोजना ९०० मेगावाट जडित क्षमता भएको उक्त परियोजना भारतीय कम्पनी सतलज जलविद्युत निगम (एमजेभीएन) ले निर्माण गर्न लागेको हो ।

तपाईंको प्रतिकृया