काठमाडौं । सोमवार पार्टी सभापति शेरबहादुर देउवा निवास धुम्बाराहीमा बसेको पदाधिकारी तथा पूर्वपदाधिकारीको बैठकले राष्ट्रपतिमा उम्मेदवारी दिने निर्णय गरेको छ। फागुन २९ गते राष्ट्रपति विद्यादेवी भण्डारीको दोस्रो कार्यकाल सकिँदैछ र राष्ट्रपतिको पदावधि सकिनु एक महिनाअघि नै नयाँ राष्ट्रपतिको लागि निर्वाचन हुनुपर्ने मागसमेत कांग्रेसले राखेको छ। 

कांग्रेसका प्रवक्ता डा प्रकाशशरण महतले भने ‘आउँदो राष्ट्रपतिको निर्वाचनबारे छलफल भयो। यो सयममै सम्पन्न गर्नुपर्छ। सरकार र निर्वाचन आयोगको गम्भीर ध्यानाकर्षण गराएको छ ,समयमै निर्वाचन गर्ने जिम्मेवारी निर्वाचन आयोगको हो। त्रुटिहरु मिलाउने काम सरकारको हो। धकेल्ने काम गर्नुहुँदैन।’ राष्ट्रपति निर्वाचन ढिलाई हुने चर्चा चलेकोले यस्तो आलटाल गर्न नहुने कांग्रेस प्रवक्ता महत भने “फागुन २९ गतेबाट उता लानु हुन्न। त्यस्ता चर्चा हुन लागेका छन्। निर्वाचनमा ढिलाई गर्ने आलटाल गर्नुहुन्न।’ कांग्रेस सहमहामन्त्री बद्री पाण्डेले एक महिनाअघि नभए पनि माघ २८ कट्न नहुने बताए ।