प्रेस काउन्सिल नेपालको शोक–वक्तव्य

मिति: २०७६-०४-३०
शोक–वक्तव्य

प्रेस काउन्सिल नेपालका पूर्व सल्लाहकार मदनमणि दीक्षितको ९७ वर्षको उमेरमा विहीबार विहान ४ बजे निधन भएको छ । निमोनियाबाट पीडित उहाँलाई सुमेरु अस्पतालमा भर्ना गरी स्वास्थ्यमा सुधार आएपछि घर लगिएको थियो । उहाँ २०४८ सालमा प्रेस काउन्सिल नेपालको सल्लाहकार समिति सदस्य हुनुहुन्थ्यो ।
बुबा लक्ष्मणमणि आचार्य दीक्षित र आमा विष्णुकुमारी दीक्षितबाट वि.सं. १९७९ फागुन ६ गते गैरीधारा, काठमाडौंमा जन्मनुभएका दीक्षित खरो पत्रकार र साहित्यकार समेत हुनुहुन्थ्यो । २०१४ सालदेखि समीक्षा साप्ताहिक पत्रिकाबाट आलोचनात्मक पत्रकारितामा होमिनुभएका दीक्षित २०३९ सालमा माधवी ग्रन्थका लागि मदन पुरस्कारबाट पुरस्कृत हुनुभएको थियो ।

माधवी (उपन्यास, २०३९), चरैवेति (निबन्ध संग्रह,२०४४), त्यो युग (निबन्ध संग्रह, २०४७), हाम्रा ती दिन (निबन्ध, २०२९), म रुँदै बिर्सन्छु (संस्मरण,२०२७), बर्लिन डायरीका पाना (यात्रावर्णन, सन् १९८४) आदि गरी उहाँका दर्जनौँ चर्चित साहित्यिक कृतिहरू प्रकाशित छन् । उहाँका श्रीमती, तीन छोरा र एक छोरी हुनुहुन्छ । प्रेस काउन्सिल नेपाल उहाँको निधनप्रति गहिरो दुःख व्यक्तगर्दै हार्दिक श्रद्धाञ्जली अर्पण गर्दछ । साथै, शोक सन्तप्त परिवार जनमा हार्दिक समवेदना प्रकट गर्दछ ।

…………..
दीपक खनाल
सहप्रशासकीयअधिकृत
(सूचना अधिकारी)

तपाईंको प्रतिकृया