अप्रिल १५, सोमवार

भ्रष्टाचारको अारोप, बामपन्थी दलहरूको कडा विरोध र अाक्रमण, अनि अरबी तथा लिबरल मिडियाको प्रोपागाण्डाका बाबजुद  गत हप्ता भएको संसदीय निर्वचानमा  इस्राएली प्रधानमन्त्री बेन्यामिन नेतेन्याहु पाँचाैँ पटक विजयी भएका छन्, र यसरी उनी पाँचाैँ पटक नै इस्राएलका प्रधानमन्त्री बन्ने निश्चित भएको छ । उनको दल लिकुड पार्टीले अाफैँमा बहुमत नल्याए तापनि, र उनको प्रतिपक्षी दलले पनि उनको जतिकै सांसद संख्या प्राप्त  गरेता पनि, दक्षिणपन्थी दलहरूको गठ बन्धनको कारण उनलाइ अारामदायी बहुमत प्राप्त हुनेछ । निकै कडा प्रतिस्पर्धामा उत्रेका नेतेन्याहु र पूर्व सैन्यप्रमुख बेन्नी ग्यान्टजबिच एग्जिट पोलको क्षणसम्म पनि अाअाफू विजयी भएको दावी चलिरहेको थियो । अन्तत निर्वाचन भएको तीनदिनपछि, र परिणाम अाएको दुइ दिनपछि मात्रै ग्यान्टजले अाफ्नो हार स्वीकार गर्दै नेतेन्याहुलाइ टेलिफोन गरी बधाइ दिएका छन् ।

नेतेन्याहुको विजयसँगै प्रोइस्राएल समूहहरूमा खुशी छाएको छ, भने प्यालेस्टाइन तथा अन्य अरब मुलुका असन्तुष्टि बढेको छ । तर हरेक क्षण कताबाट अाक्रमण हुने हो र अाफ्नो अस्तित्व नै सखाप पो हुने हो कि भनी त्रासमा जिउनुपर्ने इस्राएली मतदाताहरूका लागि खुकुलो, सम्झैतापरस्त तथा लिबरल अजेण्डा लिएका दलका नेताहरू नेतेन्याहुले उपलब्ध गराउँदै अाएको अन्तरराष्ट्रिय प्रतिष्ठा र देशभित्र शान्ति सुरक्षालाइ अन्य सानातिना खुद्रा मसिना, भ्रष्टाचार जस्त मुद्दाको कारण अोभेलमा पार्न नचाहेको देखिन्छ ।

निर्वाचनकै मुखमा अमेरिकी राष्ट्रपति ट्रम्प, रसियन राष्ट्रपति पुटिन, तथा ब्राजिलियन राष्ट्रपति जाइर बोल्सोनारोले नेतेन्याहुलाइ एक कुशल राजनीतिज्ञ र असल मित्रका रूपमा मान्यता दिनाले पनि अन्तरराष्ट्रिय स्तरमा उनको ख्यातिले मतदातामा मनोवैज्ञानिक प्रभाव पारेको अनुमान गर्न सकिन्छ । किनकि इस्राएलको शान्तिसुव्यवस्था अमेरिका मात्रै नभएर रसियाको पनि चासो र चिन्ताको विषय हो । त्यहाँ केही अवइवस्था हुनासाथ अरब साथै टर्कीसमेत तानिन्छ, अनि टर्कीसँग रसियाको सम्बन्ध असल छैन ।

गाजा क्षेत्र लगायत अन्य अधिनस्थ तथा विवादित क्षेत्रलाइ इस्राएलको पूर्ण नियन्त्रणमा ल्याउने साहसी तर इस्राएल बाहिर कडा विरोध गरिएको निति तथा वक्तव्यको कारण पनि देशभित्र सेना तथा कट्टर यहूदी राष्ट्रवादीहरूमाझ फेरि पनि लोकप्रियताको शिखरमा पुगेका बेन्यामिन नेतेन्याहुलाइ अाधुनिक सामरिक रूपमा अति सबल इस्राएलका अभियन्ता मानिन्छ । प्रखर वक्ता, बोलिमा दम  विचारको स्पष्टता, अमेरिकी राष्ट्रपतिहरू लगायत विश्व्का कुनै पनि राजनेतासँग साहस र बुद्धिमानीपूर्वका अाफ्ना कुरा राखेर फकाउन मनाउन सक्ने खुबी भएका, अाफैँ पनि लामो समयसम्म विभिन्न रूपमा सैन्य सेवामा खटिएर खारिएर अाएका, एमअाइटी जस्तो अमेरिकी विश्वविद्यालयमा अध्ययन गरेा जस्ता व्यक्तिगत क्षमताले पनि उनमा इस्राएलीहरूले एक सबल राजनेताको छवी देख्ने गरेका छन् ।

स्मरण रहोस् २०७२ सालको भूकम्पछि नेपालमा उद्धार र राहत टोली र सामग्री  लिएर अाउने पहिलो जहाज इस्राएलकै थियो, जसले यी दइ देशबिचको ङनिष्ट सम्बन्धलाइ मात्र नभएर, जस्तोसुकै विपतमा पनि रेस्पोन्स गर्नसक्ने इस्राएलको प्राविधिक तयारी  र त्यो क्षमतालदाइ परिचालन गर्न र तत्काल निर्णय अग्रसारिता लिनसक्ने राजनीतिक वा सरकारको चुस्तालाइ पनि देखाउँछ ।

– Bidur Adhikari