केवल जातिले मात्र ब्राह्मण हुदैन । कर्म पनि आवश्यक छ ।

रामकृष्ण उपाध्याय

सावधान !!!

केवल जातिले मात्र ब्राह्मण हुदैन । कर्म पनि आवश्यक छ ।
जन्मना ब्राह्मण भए पनि कर्म देखि च्युत भएकालाई ब्राह्मण भनिदैन ।
पोप र मुल्लाको आदेश दिएर ठिक या बेठिक भन्ने परिपाटी सनातन धर्ममा छैन । कुन ब्राह्मण ठिक र कुन बेठिक भन्ने आदेश दिने निश्चित ब्यक्ती र सङ्गठन नभएकोले कर्म देखि च्युत भएका ब्राह्मण लाई “यो ब्राह्मण हैन र यसको बोलिलाइ मान्यता दिनु हुदैन ” भनेर सर्वसाधारण लाई जानकारी गराउने निकाय छैन ।
पन्थमा यो कुरा लागू हुन्छ र विवेकशीलताको प्रमाणपत्र दिन्छ तर सनातन धर्ममा आफै विवेकशील बन्नु पर्ने र आफ्नु उद्धार आफै गर्नु पर्ने ( उद्धरेदात्मनात्मानम् ) भएकोले विवेकहीन जातिब्राह्मणहरुलाइ नै वास्तविक ब्राह्मण मानेर साँचो ब्राह्मणलाइ अपमान गरेको पर्याप्त देख्न र सुन्न पाइन्छ ।

यहि मौकाको फाइदा उठाइ ज्ञान प्राधान्य समूह लाई नीचा देखाएर समाजले जसको आधारमा मर्दा र पर्दा विभिन्न धार्मिक कार्य गर्छन् र जसको आधारमा नै सनातन धर्मका ज्ञान वैराग्य र भक्तिमार्गका पक्षको ज्ञान सिक्न पाउँछन् ती समुदाय सङ्ग वैमनस्यता बढाउन पाए आफुले चाहे जस्तो धर्मपरिवर्तन गराउन सहज हुन्छ भन्ने चुरो कुरालाइ पन्थका सरणार्थीहरुले राम्रो सङ्ग बुझेका छन् ।
त्यसैले ज्ञान प्राधान्य समुह तिर बिद्वेष फैलाएर समाजलाइ आध्यात्मिक र स्वधर्मको ज्ञान शून्य बनाउन प्रयास गर्ने समुहलाइ चिनौ र तिनिहरुको षड्यन्त्रमा नपर्न हुन अनुरोध छ ।
आज सम्म धर्मका हरेक गतिबिधिको मुख्य केन्द्र ज्ञानवान ब्राह्मण नै रहेको छ या यो भनौ ज्ञान प्राधान्य समुहलाइ नै प्रामाणिक मान्दै आएको छ समाजले ।
रह्यो कुरा राजनीतिलाई आधार मानेर ब्राह्मण या क्षेत्रीले राज गरे भन्ने कुरा नितान्त गलत हो ।
कुनै जातले राज गर्दैन , राज गर्ने जात भएको भए सो जातले राज गरि नै रहनु पर्ने । तर त्यही जातका अधिकांश ब्यक्तीलाइ दुइछाक हातमुख जोड्न किन समस्या पर्थ्यो ? अपितु निश्चित सिद्धान्त र समुहको पृष्ठ पोषणमा नै सो समुहको आधारमा मात्र शासन चल्छ । समूह र सिद्धान्त मा अडान हुने समुहमा निस्चित जात विशेष मात्र हुदैन ।
अनि के को फलानु जातले शासन गर्यो भनेर फलाक्नु ?

तपाईंको प्रतिकृया