दक्षिण एशियाली वृत्तचित्र उत्सव फिल्म साउथएशिया (एफएसए)को एघारौं संस्करण १६ कात्तिकदेखि यलमाया केन्द्र, ललितपुरमा शुरु हुनेछ ।

१६–१९ कात्तिकसम्म  एफएसएमा दक्षिण एशियाका तीनसय भन्दा बढी वृत्तचित्रबाट छनोट गरिएका ६३ वृत्तचित्र प्रदर्शन गरिनेछन् ।

उत्कृष्ट वृत्तचित्रले २,००० अमेरिकी डलरको रामबहादर ट्रफि प्राप्त गर्नेछ र द्वितीय हुने वृत्तचित्रले १,००० अमेरिकी डलर  प्राप्त गर्नेछ ।

पत्रकार कुन्द दीक्षित संयोजक तथा पाकिस्तानी सिनेमाकर्मी फरजाद नावी र भारतीय पत्रकार राजश्री दासगुप्ता सदस्य रहेको निर्णायक समिति रहेको छ ।

सन् १९९७ मा शुरू भएको  द्विवार्षिक मेलाले परिवर्तनकारी सोचलाई प्रवर्धन गर्ने दक्षिण एशियाली विषयका वृतचित्रहरू विगत २० वर्षदेखि प्रदर्शन गर्दै आएको छ । पुरस्कृत र अन्य प्रतिनिधि वृत्तचित्रलाई २०१८ मा ‘ट्राभलिङ् फिल्म साउथ एसिया’को नामबाट दक्षिण एसिया र विश्वका अरू भागहरूमा प्रदर्शन गरिनेछ ।