नेकोनद्वारा सामाजिक सुरक्षा कोषबारे गोष्ठी आयोजित

In Headlines
September 9, 2019
Bidur Adhikari

भदाै २२, ललितपुर (September 9, Lalitpur).

विश्वका विकसित मुलुकहरूमा धेरै व्यवस्थित गरिसकिएको भए तापनि, हाम्रो देशमा सामाजिक सुरक्षा कोषको अवधारणा निकै नाैलाे छ । तर यही असोज मसान्तसम्ममा सबै रोजगारदाताहरूलाइ सामाजिक सुरक्षा कोषमा आफ्ना कर्मचारीहरूलाइ ल्याउन बाध्यात्मक आदेश आइसकेको परिप्रेक्ष्यमा यसको बारेमा स्पष्ट हुनका लागि सहायता गर्ने उदेश्यले इसाइ गैससहरूको सञ्जाल (Network of Christian Non-governmental Organizations Nepal- NeCON) ले आज सामाजिक सुरक्षा कोष र योगदानमा आधारित सामाजिक सुरक्षा योजनबारे गोष्ठी

आयोजना गर्यो ।

ललितपुरको ढोलाहिटी स्थित ट्रिनिटी क्याफेमा आयोजित उक्त गोष्ठीमा सामाजिक सुरक्षा कोषका कार्यकारी निर्देशक कपिलमणी ज्ञवालीले सहजीकरण गर्नुभएको थियो भने अन्त्यमा लामै समय प्रश्नोत्तर अन्तरक्रिया पनि राखिएको थियो जहाँ उहाँलाइ प्राविधक अधिकृतले पनि कतिपय प्रश्नमा सहायता गर्नुभएको थियो ।

करिब ७० जनाको सहभागिता रहेको उक्त गोष्ठीबाट धेरै कुरा स्पष्ट भएका छन् । नागरिकहरु आर्थिक र साथसाथै सामाजिक खतरा अन्तर्गत सुरक्षा प्रदान गर्नको लागि साधारण प्रयास हो। सामाजिक सुरक्षा कोष सामाजिक सुरक्षाको विस्तारित रूप हो जुन देशका विभिन्न प्राधिकरणहरूले जोखिम कम गर्नका साथै साथै आवश्यक

समयमा समयको क्षतिपूर्तिको आश्वासन प्रदान गर्दछ। सरकारले यस क्षेत्रसँग सम्बन्धित कार्यहरू केही दशकदेखि नै शुरू गरेको छ र यसैले, कामका क्षेत्रहरू विस्तार गर्ने उद्देश्यले संगठनात्मक संरचना योजना बनाएको छ। सामाजिक सुरक्षा नेपालको संविधानको आधारभूत आधारमा वर्गीकृत गरिएको छ र यसैले राष्ट्रको जिम्मेवारी पनि हो।

आधार (बेसिक) तलबको ३१% रकम यस कोषमा जम्मा हुन्छ । यसमा श्रमिकहरूले आफ्नो तर्फबाट सञ्चय कोषमा जम्मा गर्ने १०% रकम, रोजगारदाताले राखिदिने १०% अनि श्रम ऐन अनुसारको काम सुरु गरेदेखिकै उपदानका लागि कटाइने ८.३३% गरेर २८.३३% रकम, अहिलेसम्म सामाजिक सुरक्षाको लागि तिरेको १% गरी हुन आउने २९.३३% को साथमा रोजगारदाताले थप्ने १.६७% गरि पुग्ने ३१% रकम यो कोषमा आउँछ।

यो कुलमध्ये २८.३३% रकम चाहिँ पेन्सन योजना अन्तर्गत प्रयोग हुन्छ । बाँकी २.६७% रकम चाहिँ सामाजिक बीमाका लागि प्रयोग हुन्छ।

यो बीमा सुविधा अन्तर्गत श्रमिकले मातृत्व सुरक्षा, बिरामी हुँदाका सुविधा, उपचार खर्च, तथा व्यवसायजन्य रोग लागेमा खर्च गरिनेछ।

यस कोषका बारेमा वेबसाइटमा पनि हेर्नुहोस्ः https://ssf.gov.np/np/about-us.html

तपाईंको प्रतिकृया