निरोज तोलाङे

५ फागुन, काठमाडौं ।सत्य निरुपण तथा मेलमिलाप आयोग र संक्रमणकालीन न्यायका विषयमा कुराकानी गर्न  बिहीबार प्रधानमन्त्री प्रचण्ड र संयुक्त राष्ट्रसंघकी आवासीय प्रतिनिधि भ्यालेरी जुलियानबीच प्रधानमन्त्री कार्यालय सिंहदरबारमा भेटवार्ता भएको छ । भेटमा प्रधानमन्त्री प्रचण्डले नेपालको शान्ति प्रक्रिया मौलिक र सफलताउन्मूख रहेको भन्दै संक्रमणकालीन न्यायका सम्बन्धमा अन्तर्राष्ट्रिय कानून र मान्यताहरुको अवलम्बन गर्न सरकार तयार रहेको प्रष्ट पारेका थिए ।

प्रधानमन्त्रीले शान्ति सम्झौतादेखि शान्ति प्रक्रियाको पूर्णतामा संयुक्त राष्ट्र संघले खेलेको भूमिकाका लागि धन्यवाद दिए भने नेपालको पूनर्निर्माण प्रक्रियामा संयुक्त राष्ट्र संघले गरेको सहयोगका लागि धन्यवादसहित निरन्तर सहयोगका लागि आग्रह गरेका थिए । भेटमा युएन आवासीय प्रतिनिधि जुलियानले नेपालको विकासमा सहयोग गर्ने दातृ संस्थाहरुको मिनी-कन्फ्रेन्सका लागि प्रस्ताव गरेकी थिइन् ।

प्रतिक्रिया लेख्नुहोस्

Leave a comment