वैशाख ६, शुक्रवार

विश्को सबैभन्दा धेरै जनसंख्याले अपनाएको,  सबै महादेश र देशहरूमा धेरथोर संख्यामा अनुयायीहरू रहेको, विश्वको इतिहासमा सबैभन्दा बढी चर्चपरिचर्चा गरिएका व्यक्ति जसका संस्थापक रहेका छन्, जुन मतको पुस्तक अन्य कुनै पुस्तकभन्दा बढी संख्यामा अनुवाद गरिएको अनि विक्रीबितरण गरिएको छ, अनि जसको बारेमा बहस वादविवाद जेजस्तो भए तापनि, अन्य प्रमुख धर्म मत र वा नास्तिक मतहरू बिचमा विवाद वा अविश्वास वा संकटमय सम्बन्ध उत्पन्न हुँदा जुन मतलाइ, जुन मतका प्रतिनिधिलाइ सबैले साझा समन्वयकर्ताका रूपमा स्वीकार गर्नेगरेका छन्, त्यो इशाइ मत रहेको छ ।

यरूशलेममा येशूको विजयी प्रवेश

एेतिहासिकता तथा प्राचीनताको कुरा गर्दा पनि, उपलब्ध पाण्डुलिप संख्या, तिबिचको समानता, प्रचाीन शासन व्यवस्था र नामहरूको सटिक उल्लेख, हिब्रू ग्रन्थको सृष्टिदृष्टि वर्णनलाइ हुबहु कायम राख्दै ग्रहण गरेको कारण, हिब्रू बाइबलसमेत ख्रीष्टियन बाइबल र विश्वासको एक अलग गर्न नसकिने पक्ष रहेको । यसउसले गर्दा, प्राचिनतामा समेत अाम रूपमा ठानिएजस्तो येशूको जन्मपछि मात्र बाइबल लेखिएको वा त्रिएकेश्वरवादको विकास भएको भन्ने होइन ।

येशूले मन्दिर अन्तिम पटक शुद्ध पार्नुहुन्छ

जे होस्, यत्तिकै वेवास्ता गर्न वा अनदेखा गर्न नसकिने र नमिल्ने अास्था मतका रूपमा रहेको इशाइ मतअनुसारका प्रभु र मुक्तिदाता येशू ख्रीष्टको पुनरूत्थानको अवसर रहेकाले यस चित्रकलात्मक प्रस्तुतिमा अाज हामी इशाइ मतका बारेमा स्पष्ट हुन सहायता गर्न सक्ने केही प्राुख घटनाहरू, जो बाइबलमा उल्लिखित छन् र एेतिहासिक रूपमा मानिन्दै अाइएका छन्, तिनको चर्चा गर्नेछाैँ ।

चेलाहरूसँग येशूको अन्तिम भोजः अाफूलाइ धोका दिनेको पहिचान दिनुहुन्छ

वारअनुसार हेर्दा, गत अाइतवारदेखि नै, इशाइ परम्पराअनुसार जगतका मुक्तिदाता येशू ख्रीष्टले मानव जातिको उद्धारका लागि बाटो तयार पार्न अन्तिम कदम चाल्न सुरू गरिसक्नुभएको छ । जसमा इजराएलको यरूशलेम शहरमा उहाँको विजयी प्रवेशदेखि लिएर अाफ्नो कष्टभोग र मृत्युको बारेमा उहाँको अझै प्रस्ट व्याख्यान, अन्तिम भोज पर्दछन् ।

यहूदी धर्मिक अगुुवाहरूले पन्तियस पिलातसकहाँ येशूको विरूद्धमा मुद्दा लैजान्छन्

उहाँका भित्री नजिकका बाह्र चेलामध्ये एक यहूदा इस्कारियोतको लालच र धोका, यहूदिया र इस्राएलमा रोमका दुइजना प्रशासक हेरोद र पन्तियस पिलातसको सामु उहाँको उपस्थिति, यहूदी महासभाद्वारा उहाँलाइ मृत्युदण्डको माग, पिलातसको निर्णय, क्रुसिकरण, यरूशलेममा परमेश्वरको मन्दिरमा महापवित्र स्थान छेकेको पर्दा च्यातिने काम, उहाँको मृत्युको क्षणमा दिउँसै अन्धकार छाएको, रोमी  कप्तानद्वारा उहाँ परमेश्वरका पुत्र भएको स्वीकार, उहाँको मृत शरीर दफनका लागि निकालिनुभन्दा पहिले उहाँको कोखामा भालाले घोच्दा रगत र पानी छुट्टिएको जसले उहाँको मृत्यु भइसकेको संकेत गरेको कुरा उल्लिखित छन् ।

काँडाको मुकुटका चित्रहरू

अनि शुक्रवार साँझदेखि अाइतवार बिहानसम्म उहाँको शरीर ढुँगाले ढोका थुनी, रोमी सरकारको मोहर लगाइ कब्रिस्तानमा रोमी र यहूदी पहरेदारहरू राखी सुरक्षा पहरा दिइएको, अाइतवार बिहानै मरियम मग्दलिनी उहाँको शरीर राखिएको अोडारमा जाँदा, अोडारको मुख छोपेको ढुँगा हटिसकेको, येशूले मरियमलाय नचिनेकी र माली भन्ठानी उहाँको बारेमा सोध्दा उहाँले नाम काढेरबोलाएपछि तिनले उहाँलाइ चिनेकी, अनि चेलाहरूलाइ गालिलमा जान सन्देश दिनुभइ बिचमा चेलाहरूकहाँ कम्तिमा तीन पटक देखापर्नुभएको, र अन्त्यमा  ४० मन्दिरमा माहपवित्र स्थानलाइ छेक्ने पर्दा च्यातिएको
दिनपछि महान् अाज्ञा दिनुभइ गालीलबाट स्वर्गमा उचालिनुभएको र स्वर्गदूतले उहाँको दोस्रो अागमनको घोषणा उहाँ स्वर्गारोहण गर्नुभएझैँ हुने भनी सन्देश दिएको जस्ता अत्यन्त उदेकका घटनाले भरिएको छ ।

लूका २३ः
1. सबै सभासद्‌हरू उठे, र उहाँलाई पिलातसकहाँ ल्‍याए।
2. तिनीहरूले उहाँमाथि यसो भन्‍ने दोष लगाउन लागे, “यस मानिसले हाम्रो राष्‍ट्रलाई बहकाउन लागेको हामीले भेट्टायौं। यसले कैसरलाई कर तिर्नदेखि हामीलाई रोक्‍छ, आफैलाई चाहिँ ‘म ख्रीष्‍ट, एक राजा हुँ’ भनी भन्‍छ।”
3. पिलातसले उहाँलाई सोधे, “के तिमी यहूदीहरूका राजा हौ?”  येशूले जवाफ दिनुभयो, “तपाईं नै त्‍यसो भन्‍नुहुन्‍छ।”

पिलातसको सामु येशू

4. तब पिलातसले मुख्‍य पूजाहारीहरू र भीड़हरूलाई भने, “म यी मानिसमा केही दोष भेट्टाउँदिनँ।”
5. तर तिनीहरूले बड़ो जोड दिएर भने, “यसले सारा यहूदिया, र गालीलदेखि यस ठाउँसम्‍म शिक्षा दिएर मानिसहरूलाई भड्‌काउँदैछ।”
6. तर पिलातसले यो सुनेर, ‘यो मानिस गालीलको हो कि’ भनेर सोधे।
7. अनि उहाँ हेरोदको इलाकाका मानिस रहेछन्‌ भन्‍ने थाहा पाएर पिलातसले उहाँलाई हेरोदकहाँ पठाइदिए। ती दिनमा हेरोद आफै पनि यरूशलेममा थिए।
8. अब येशूलाई देखेर हेरोद अत्‍यन्‍त खुशी भए। किनकि तिनले उहाँको विषयमा सुनेका हुनाले धेरै दिनदेखि उहाँलाई हेर्ने इच्‍छा गरेका थिए, र उहाँले केही आश्‍चर्य काम गर्नुभएको हेर्ने आशा गर्थे।
9. तिनले उहाँलाई धेरै प्रश्‍न गरे, तर उहाँले तिनलाई केही जवाफ दिनुभएन।
10. मुख्‍य पूजाहारीहरू र शास्‍त्रीहरूचाहिँ खड़ा भएर उहाँलाई जोड़तोड़साथ दोष लाउन लागे।
11. हेरोदले आफ्‍ना सिपाहीहरूसँग मिली उहाँलाई तिरस्‍कारपूर्ण व्‍यवहार गरे, र उहाँको गिल्‍ला गरे। त्‍यसपछि उहाँलाई रवाफिलो पोशाक पहिराएर पिलातसकहाँ फर्काई पठाइदिए।
12. त्‍यही दिन पिलातस र हेरोद दुवै आपसमा मित्र भए। किनकि अघि तिनीहरूका बीचमा वैरभाव थियो।

13. तब पिलातसले मुख्‍य पूजाहारीहरू, शासकहरू, र जनतालाई जम्‍मा गरे।
14. उनले तिनीहरूलाई भने, “तिमीहरूले मानिसहरू भड्‌काउने भनी यिनलाई मेरो सामुन्‍ने ल्‍यायौ। तिमीहरूकै सामुन्‍ने केरकार गर्दा तिमीहरूले यिनमाथि लाएका अभियोगको दोषी भेट्टाइनँ।
15. हेरोदले पनि दोषी भेट्टाएनन्‌, किनभने तिनले यिनलाई हामीकहाँ नै फर्काइदिए। अब हेर, यिनले मृत्‍युदण्‍ड पाउने योग्‍यको कुनै काम गरेका छैनन्‌।
16. यसकारण म यिनलाई सजाय गरेर छोडिदिनेछु।”  [
17. चाड़को उपलक्ष्यमा तिनीहरूका निम्‍ति पिलातसले एउटा कैदी छोडिदिनुपर्थ्‍यो।]
18. तिनीहरू सबै एकसाथ यसो भनेर कराए, “यसलाई हटाउनुहोस्‌, र हाम्रा निम्‍ति बारब्‍बालाई छोडिदिनुहोस्‌।”
19. बारब्‍बाचाहिँ सहरमा भएको कुनै विद्रोह र हत्‍याको अभियोगमा कारागारमा थुनिएको थियो।
20. येशूलाई छोडिदिने इच्‍छा गरेर पिलातसले फेरि तिनीहरूलाई सम्‍झाए।
21. तर तिनीहरू यसो भन्‍दै चिच्‍च्‍याइरहे, ‘क्रूसमा टाँग्‍नुहोस्‌, त्‍यसलाई क्रूसमा टाँग्‍नुहोस्‌।”
22. अनि तिनले तेस्रो पल्‍ट तिनीहरूलाई भने, “किन? यी मानिसले के खराबी गरेका छन्‌ र? मैले त यिनलाई मृत्‍युदण्‍ड दिने कुनै कारण भेट्टाइनँ, यसकारण म यिनलाई सजाय गरेर छोडिदिनेछु।”
23. तर तिनीहरूले ठूलो सोरले कराउँदै उहाँलाई क्रूसमा टाँग्‍नैपर्छ भन्‍ने माग गर्न लागे। तिनीहरूको चित्‍कार सफल भयो।
24. अनि पिलातसले तिनीहरूको माग पूरा गरिदिने फैसला सुनाए।
25. तिनले त्‍यस मानिसलाई छोडिदिए, जो विद्रोह र हत्‍याको अभियोगमा कारागारमा परेको थियो। त्‍यसैलाई छोडिदिनुहोस्‌ भनेर तिनीहरूले माग गरेका थिए। तर येशूलाई चाहिँ तिनले तिनीहरूको इच्‍छामा सुम्‍पिदिए।

      गलगथाको बाटोमा येशू अन्तिम पटक ढल्नुहुन्छ

मन्दिरको पर्दा दुइ भागमा च्यातिन्छ

26. तिनीहरूले उहाँलाई त्‍यहाँबाट लैजाँदा, गाउँबाट आइरहेको सिमोन नाउँको कुरेनी निवासीलाई समाते, र क्रूस बोकेर उहाँको पछिपछि जान लगाए।
27. मानिसहरूको ठूलो धुइरो उहाँको पछि लाग्‍यो। त्‍यसमा स्‍त्रीहरू पनि थिए, जो विलाप गर्दै र रुँदैथिए।
32. अब तिनीहरूले दुई अपराधीहरूलाई उहाँसँगै मृत्‍युदण्‍ड दिनलाई लगे।
33. जब तिनीहरू खप्‍परे भन्‍ने ठाउँमा आए, तब त्‍यहाँ तिनीहरूले उहाँलाई क्रूसमा टाँगे, र ती अपराधीहरूमध्‍ये एक जनालाई दाहिनेपट्टि र अर्कालाई देब्रेपट्टि क्रूसमा टाँगे।
(यी घटना क्रममा अाधारित भएर प्रशस्त साहित्य, चित्रकारिता, नाटक अादि रचना गरिएका छन् । तीमध्ये केही चित्रकलाहरू यहाँ दिइएका छन् ।)

येशूको मृत शरीर यस्तै चिहानमा राखिएको थियो        

34. अनि येशूले भन्‍नुभयो,  “हे पिता, यिनीहरूलाई क्षमा गर्नुहोस्‌, किनकि यिनीहरूले के गर्दैछन्‌ सो जान्‍दैनन्‌।”  अनि तिनीहरूले उहाँको

येशू क्रुसमा, कप्तान छक्क पर्छन्

वस्‍त्र भाग गरेर चिट्ठा हाले।
35. मानिसहरू उभिएर हेरिरहेका थिए। शासकहरूले उहाँको ठट्टा गर्दै भने, “यसले अरूलाई बचायो, यो परमेश्‍वरका

यहूदा इस्कारोती झुण्डिएर अात्महत्या गवर्छ

ख्रीष्‍ट तथा उहाँका चुनिएका जन हो भने यसले आफैलाई बचाओस्‌।”

36. सिपाहीहरूले पनि आएर उहाँलाई सिर्का दिँदै यसो भनेर गिल्‍ला गरे, 37. “तँ यहूदीहरूका राजा होस्‌ भने आफूलाई बचा।”
38. “यो यहूदीहरूको राजा हो” भन्‍ने दोष-पत्र पनि उहाँको मास्‍तिर थियो।
39. क्रूसमा टाँगिएका अपराधीहरूमध्‍ये एक जना अपराधीले उहाँको अपमान गर्दै भन्‍यो, “के तिमी ख्रीष्‍ट होइनौ? तिमी आफैलाई र हामीलाई बचाऊ।”
40. तर त्‍यसलाई हकारेर अर्कोले जवाफ दियो, “तँ पनि त्‍यही दण्‍डमा परेको छस्‌, तापनि परमेश्‍वरको डर मान्‍दैनस्‌?
41. हाम्रो दण्‍ड त न्‍यायोचित छ, किनकि हामीले त आफ्‍नो कामको उचित फल भोगिरहेका छौं, तर यी मानिसले त केही अनुचित काम गरेका छैनन्‌।”
42. तब त्‍यसले भन्‍यो, “हे येशू, तपाईं आफ्‍नो राज्‍यमा आउनुहुँदा मलाई सम्‍झनुहोस्‌।”
43. उहाँले त्‍यसलाई भन्‍नुभयो,  “साँच्‍चै म तिमीलाई भन्‍दछु, आजै तिमी मसित स्‍वर्गलोकमा हुनेछौ।”
44. प्राय: दिउँसोको बाह्र बजेको थियो, र तीन बजेसम्‍म सारा देशलाई अन्‍धकारले ढाक्‍यो।
45. सूर्यको तेजै कम भयो, र मन्‍दिरको पर्दा माझमा च्‍यातिएर दुई भाग भयो।
46. उच्‍च सोरले कराएर येशूले भन्‍नुभयो,  “हे पिता, म मेरो आत्‍मा तपाईंको हातमा सुम्‍पन्‍छु।”  यति भनेर उहाँले आफ्‍नो प्राण त्‍यागिदिनुभयो।
47. यो सब घटना देखेर कप्‍तानले यसो भन्‍दै परमेश्‍वरको महिमा गरे, “निश्‍चय नै यिनी धार्मिक मानिस थिए।”
48. यो दृश्‍य हेर्न जम्‍मा भएका सबै मानिसहरूले यी सब देखे, र आ-आफ्‍ना छाती पिट्‌दै घर फर्के।
49. तर उहाँका चिनाजानीहरू र गालीलबाट उहाँको पछिपछि आउने स्‍त्रीहरू टाढ़ा उभिएर यी घटनाहरू हेरिरहे।
54. त्‍यो तयारीको दिन थियो, अनि शबाथ सुरु हुनै लागेको थियो।

चिहानमा पहरा र ढुंगाले चिहानको मुख बन्द गरिएको

55. गालीलबाट उहाँको साथमा आउने स्‍त्रीहरू पछिपछि गए, र त्‍यो चिहान हेरे, र उहाँको लाश कसरी राखियो सो देखे।

शंका गर्ने थोमाले येशूको हात र कोखामा खत हेरेका र छामेका

त्यसैगरी, प्रेरित  १:१-१२ ले यसरी बताएको छः

1. प्रिय थियोफिलस, येशूले गर्न र सिकाउन थाल्‍नुभएका सबै कुराका विषयमा मेरो पहिलो पुस्‍तकमा मैले लेखेको छु।
2. आफैले छान्‍नुभएका प्रेरितहरूलाई येशूले पवित्र आत्‍माद्वारा आज्ञा दिनुभएपछि उहाँ स्‍वर्गमा उचाली लगिनुभएको दिनसम्‍मका सबै कुरा त्‍यस पुस्‍तकमा लेखिएका छन्‌।
3. आफ्‍नो दु:ख-भोगपछि धेरै अकाट्य प्रमाणद्वारा तिनीहरूका सम्‍मुख उहाँले आफैलाई जीवित प्रस्‍तुत गर्नुभयो। चालीस दिनसम्‍म उहाँ तिनीहरूकहाँ देखा पर्नुभयो अनि परमेश्‍वरका राज्‍यको विषयमा तिनीहरूलाई बताउनुभयो।
4. तिनीहरूसँग भोजनमा बस्‍नुहुँदा उहाँले तिनीहरूलाई यस्‍तो आदेश दिनुभयो,  “तिमीहरू यरूशलेमबाट कतै नजाओ, तर पिताले गर्नुभएको प्रतिज्ञाको प्रतीक्षा गर। यसबारे तिमीहरूले मबाट सुनिसकेका छौ।”
5. किनभने यूहन्‍नाले त पानीले बप्‍तिस्‍मा दिए, तर अबका थोरै दिनमा पवित्र आत्‍मामा तिमीहरूको बप्‍तिस्‍मा हुनेछ।”
6. यसकारण जब प्रेरितहरू भेला भए, तब तिनीहरूले उहाँलाई सोधे, “हे प्रभु, के तपाईंले इस्राएल राज्‍यको पुनर्स्‍थापन गरिदिनुहुनेछ?”
7. उहाँले तिनीहरूलाई भन्‍नुभयो,  “पिताले आफ्‍नो अधिकारद्वारा तोक्‍नुभएको बेला वा समय जान्‍ने तिमीहरूको काम होइन।
8. तर पवित्र आत्‍मा तिमीहरूमा आउनुभएपछि तिमीहरूले शक्ति पाउनेछौ,  र तिमीहरू यरूशलेममा, सारा यहूदियामा, सामरियामा र पृथ्‍वीको अन्‍तिम छेउसम्‍म मेरा साक्षी हुनेछौ।” 

9. उहाँले यो कुरा भन्‍नुभएपछि, तिनीहरूले हेर्दाहेर्दै उहाँ उँभो उचालिनुभयो, र बादलमा उहाँ तिनीहरूका दृष्‍टिबाट लोप हुनुभयो।
10. जब तिनीहरूले उहाँ जाँदैगर्नुभएको एकटक आकाशतिर हेरिरहेका थिए, तब अचानक सेतो पोशाक लाएका दुई जना मानिस तिनीहरूका नजिक खड़ा भए।
11. तिनीहरूले भने, “गालीलका मानिस हो, तिमीहरू किन आकाशतिर हेर्दै उभिरहेका छौ? यही येशू, जो तिमीहरूबाट स्‍वर्गमा लगिनुभयो, अहिले जसरी तिमीहरूले उहाँलाई स्‍वर्गमा जानुभएको देख्‍यौ, त्‍यसरी नै उहाँ फेरि आउनुहुनेछ।”
12. तब तिनीहरू जैतून भनिने पहाड़बाट यरूशलेम फर्के। यरूशलेमदेखि यो पहाड प्राय: एक किलोमिटर जति टाढ़ा पर्छ।

अाज गुड फ्राइडे, येशू ख्रीष्टलाइ क्रुसमा टाँगिएको दिन । हामी सबैले उहाँको महान् बलिदान  प्रेमको बारेमा चिन्तन मनन गराैँ, गर्नसकाैँ ।