पुष १, अाइतवार

ललितपुर

ललिपतुर कुमारीपाटी स्थित क्वाइनोनिया पाटन चर्चको हलमा काठमाडाैँ उपत्यकाका चर्चहरूको संयुक्त क्रिसमस शुभ कामना अादानप्रदान कार्यक्रम सम्पन्न भएको छ । क्रिसमस महोत्सवको पूर्वसन्ध्यामा अायोजित हुनु र उपत्यकाका चर्चहरूको संयुक्त कार्यक्रम भनिनुले खासमा यो कुन पक्ष वा समूहको हो भन्ने कुरा नखुलाउन चाहेको देखिन्छ । हुन त सबै मुख्य सम्प्रदायहरूका अगुवा प्रतिनिध साथै अाम पाष्टर लिडरहरूको सहभागिता हेर्दा अबका दिन नेपाली इसाइ समाजले पनि भित्री रूपमै मिलाप, अपनत्व र एकताको भावको विकल्प नरहेको भन्ने कुरा स्वीकार गरेको हो कि भन्ने पनि लाग्थ्यो । 

तर अर्कोतिरबाट हेर्दा, विगतका अनुभवबाट विभिन्न समूहहरूको नाम र व्यानर प्रयोग गर्दा कुनै एक पक्षले सम्पूर्ण कार्यक्रमको श्रेय लिने र बाँकी पक्षलाइ पंगु जस्तो महसुस भएकाले पनि ख्रीष्टियन महासंघबाट सामूहिक रूपमा राजीनामा गरी अाएका अगुवाहरूलाइ पनि स्पेस  दिने प्रयत्न उक्त कार्यक्रममा देखिन्थ्यो । उक्त समूहका तर्फबाट पाष्टर  पदम पराजुलीले सुरूवातको प्रार्थना गर्नुभएको थियो भने शुभकामना दिने सात अाठ जना  पाष्टरहरूमध्ये पाष्टर शमूएल सोदेम्बा पनि एक हुनुहुन्थ्यो ।

संक्षिप्त तर अत्यन्तै प्रभावकारी प्रवचन एजीका पाष्टर दिलिप क्षेत्रीले दिनुभएको थियो जसमा उहाँले हामीले अाफ्नै नाम पद र राज्यको लागि होइन तर परमेश्वरको राज्यको लागि काम गर्नुपर्छ भनी महत्वाकांक्षा र सीमा पार गरेर गरिने कार्य परमेश्वरमा ग्रहण नहुने चेताउनी दिनुभयो ।

पाष्टर राजेन्द्र मल्लले सञ्चालन गर्नुभएको उक्त कार्यक्रममा पा. डिल्ली राम पाैडेलले स्वागत मन्तव्य दिनुभएको थियो भने एनसिएफएनका अध्यक्ष पा. हनोक तामाङ, एनसिएसका अध्यक्ष पा. बर्णबास श्रेष्ठ, अाशिष चर्चका पा. सुन्दर थापा, नेपाल ब्याप्टिस्ट काउन्सिलक पा. विजय थापा, क्वाइनोनिया पाटनका तर्फबाट पा. प्रकाश सुब्बा, काठमाडाैँ इसाइ समाजका तर्फबाट रविन वैद्य, भक्तपुर इसाइ समाजका अध्यक्ष अशोक प्रधान अादिबाट मन्तव्यपछि एजिएनका पा. मुकुन्द शर्माले धन्यवाद दिनुभइ पा. तुला सिं राइको अन्तिम अाशिषको प्रार्थनाबाट कार्यक्रम समापन भएको थियो ।

बिचमा गायक राजेश राइले क्रिसमससम्बन्धी मिठो गीत  प्रस्तुत गर्नुभएको थियो भने बाल कलाकार युनिशाले पनि क्रिसमस तथा

क्यारोलसम्बनधी गीतमा अाकर्षक नृत्य प्रस्तुत गर्नुभएको थियो ।

शुभ कामना अादान प्रदान कार्यक्रम अायोजना हुनु सामान्य र स्वभाविकै हो, विगत केही वर्षदेखि यस्ता संयुक्त अायोजना हुँदे अाएका पनि हुन् । तर यस पटकको कार्यक्रम निकै योजनाबद्ध रूपमा र भविष्यमा पनि केही नयाँ प्रवृत्ति वा रूझानलाइ मार्ग प्रशस्त हुने प्रकारले गरिएको हो भन्ने कुरमा अब कुनै द्विविधा नरहेको यस पंक्तिकारको ठम्याइ रहेको छ ।

स्मरणरहोस्, यस कार्यक्रमको अायोजना लक्षित हुनुका साथसाथै स्वतस्फूर्त पनि थियो, कारण सायद वक्ता भन्दा बाहेक कसैलाइ पनि फोन वा पत्र पठाइ निमन्त्रणा गवरिएको थिएन तर इमेल वा म्यासेन्जरमा खबर पठाएको भरमा मानिसहरूको उपस्थिति भएको थियो । यसकारण ५००, ७०० सयको उपस्थिति हुनसक्ने सम्भावना हुँदाहुँदै पनि ३०० जना जतिको मात्र उपस्थिति रहेको थियो । तर त्यसभित्र प्राय सबै पक्षको सहभागिताले यस्तो गुटबन्दी रहित अाध्यात्मिक, अात्मिक सभाहरूको खाँचो र अाकर्षण स्पष्ट रहेको देखाउँछ ।   

– विदुर अधिकारी