प्रयास नेपालको तीन दिने आर्थिक व्यवस्थापन सम्पन्न

In अर्थ
September 12, 2018
KhabarDainik Reporter

तीन दिने आर्थिक व्यवस्थापन सम्बन्धी तालिम सम्पन्न प्रयास नेपालको आयोजनामा तीन दिने आर्थिक व्यवस्थापन तालिम सम्पन्न भएको छ । ललितपुरको नख्खुमा भदौ २४ गतेबाट शुरु भएको तीन दिने आर्थिक व्यवस्थापन र मण्डलीको लेखा सम्बन्धी तालिम आज(मंगलबार) सम्पन्न भएको हो ।

तीन दिने आर्थिक व्यवस्थापन सम्बन्धी आधारभूत तालिममा प्रयास नेपालका संस्थापक निर्देशक पास्टर चन्द्रमान नेपाली र एल्डर सुरज शाक्यले सहजिकरण गर्नुभएको थियो । पास्टर चन्द्रमान नेपालीले सम्रग व्यवस्थापन र आर्थिक व्यवस्थापन सम्बन्धी बाइबलीय सिद्धान्तकाबारे सिकाउनु भएको थियो ।

यसका अलावा आफूलाई बाइबल अनुसार कसरी व्यवस्थित बनाउने, आफ्नो धनको व्यवस्थापनबारे बाइबलीय दृष्टिकोणबारे शिक्षा दिनुभएको थियो । एल्डर सुरज शाक्यले आर्थिक व्यवस्थापन र यसको आवश्यकता बारे सिकाउनुभएको थियो । मण्डली वा संस्थामा लेखाको आवश्यकता र महत्व, आर्थिक नियमावलीको निमार्ण कसरी गर्ने, लेखा राखने तरिका, बजेट निमार्ण, बजेट तयार गर्ने तरिका, आर्थिक प्रतिवेदनको तयारी तीन दिने तालिमको मूख्य आकर्षण थियो ।

तालिममा आय व्यय भौचर÷विवरण तयार गर्ने तरिका, लेजरमा काम गर्ने तरिका लगायत हिसाव किताब कसरी व्यवस्थीत र पारदर्शी तरिकाले राख्नेबारे प्रयोगात्मक कक्षा समेत सञ्चालन गरिएको थियो । नेपाली मण्डलीहरुमा देखिएको आर्थिक व्यवस्थापनको कमजोरीलाई मध्यनजर गर्दै उक्त आधारमुत तालिमको आयोजना गरिएको प्रयास नेपालका संस्थापक निर्देशक पास्टर चन्द्रमान नेपालीले बताउनुभयो ।

तालिममा विभिन्न चर्चबाट १२ जना प्रशिक्षार्थीहरु सहभागि थिए । प्रशिक्षार्थीहरुलाई संस्थाकी अध्यक्ष विणा थुलुङले प्रमाण–पत्र हस्तान्तरण गर्नुभयो ।

तपाईंको प्रतिकृया